'വേറൊരു ഗതിയുമില്ല, സഹായിക്കണം, ഞാന്‍ ചോദിക്കുന്നത് എന്റെ ജീവന്‍ തന്നെയാണ്, ഇപ്പോഴും പുതിയൊരു കീമോ എടുത്തുകൊണ്ടിരിക്കുകയാണ്'; ആദ്യമായി തനിക്കായി സഹായം അഭ്യര്‍ത്ഥിച്ച് നന്ദു മഹാദേവ

കാന്‍സറിനോട് പൊരുതുന്ന നന്ദു മലയാളികള്‍ക്ക് സുപരിചിതനായ യുവാവാണ്. ഇപ്പോള്‍ ആദ്യമായി തനിക്കായി സഹായം അഭ്യര്‍ത്ഥിച്ച് രംഗത്ത് എത്തിയിരിക്കുകയാണ് നന്ദു. 'ഇനി ഒരു അടി പോലും മുന്നോട്ടുപോകാന്‍ പറ്റില്ല. പറ്റുംവിധം സഹായിക്കണം..' ഇത് നന്ദു പറയുമ്പോഴും വേദന അടക്കിയുള്ള ചെറു പുഞ്ചിരി ആ മുഖത്ത് ഉണ്ടായിരുന്നു. ചികിത്സയുടെ വലിയ ചിലവ് താങ്ങാനാവുന്നില്ലെന്നും പറ്റുന്ന പോലെ സഹായിക്കണമെന്നും നന്ദു അപേക്ഷിക്കുന്നു. ചികിത്സയ്ക്കായി ഇതിനോടകം വീടും സ്ഥലവും എല്ലാം പണയത്തിലാണെന്നും മറ്റൊരു വഴിയും കാണാത്തത് കൊണ്ടാണ് വീഡിയോ ചെയ്യുന്നത് എന്നും നന്ദു പറയുന്നു.

വീഡിയോയ്ക്ക് ഒപ്പം നന്ദു പങ്കുവെച്ച കുറിപ്പ്;

ഇന്ന് ചിങ്ങം ഒന്നാണ്..
ഈ പുതുവത്സരത്തില്‍ കൈനീട്ടമായി ചങ്കുകളോട് ഞാന്‍ ചോദിക്കുന്നത് എന്റെ ജീവന്‍ തന്നെയാണ്..!
നിങ്ങള്‍ക്കറിയാമല്ലോ കഴിഞ്ഞ 4 വര്‍ഷമായി ഞാന്‍ ഭാരിച്ച ചിലവുള്ള ചികിത്സയുടെ ലോകത്താണ്..!
ആരോടും ചോദിക്കാതെ പരമാവധി മുന്നോട്ട് പോകണം എന്നായിരുന്നു മനസ്സില്‍..
ഇത്ര നാളും എങ്ങനെയൊക്കെയോ അങ്ങോട്ടും ഇങ്ങോട്ടും ഒക്കെ തിരിച്ചും മറിച്ചും പിടിച്ചു നിന്നു..
ഇനി എനിക്കറിയില്ല..
ഒരിഞ്ചു പോലും മുന്നോട്ട് പോകാനും കഴിയില്ല..!
ഇപ്പോഴും പുതിയൊരു കീമോ എടുത്തുകൊണ്ടിരിക്കുകയാണ്..
സത്യത്തില്‍ എനിക്ക് കീമോയാണ് കീമോയാണ് എന്നു കേട്ടു കേട്ടു നിങ്ങളൊക്കെ മടുത്തിട്ടുണ്ടാകും..
അപ്പോള്‍ അത് നേരിടുന്ന എന്റെ അവസ്ഥ ഒന്നോര്‍ത്തു നോക്കൂ..
പക്ഷെ എത്രയൊക്കെ വേദന അനുഭവിച്ചാലും ഇനിയും എത്ര കീമോയും സര്‍ജറിയും ചെയ്യേണ്ടി വന്നാലും ജീവിതത്തിലേക്ക് തിരികെ വരുന്നത് വരെ തളര്‍ന്നു എന്നൊരു വാക്ക് എന്റെ നാവില്‍ നിന്ന് വരില്ല..!!
ഈ നിമിഷം വരെ കഴിയുമ്പോലെ സഹജീവികളെയൊക്കെ സഹായിക്കാന്‍ മാത്രേ ഞാന്‍ ശ്രമിച്ചിട്ടുള്ളൂ അതുകൊണ്ട് തന്നെ ഇപ്പോള്‍ എനിക്കൊരു സഹായം ആവശ്യമായി വന്നപ്പോള്‍ എന്റെ ചങ്കുകളോട് പൂര്‍ണ്ണ മനസ്സോടെ സഹായം ചോദിക്കുകയാണ്...
നിങ്ങളെന്നെ കൈവിടില്ലെന്ന് എനിക്കറിയാം..
കൂടെയുണ്ട് എന്ന നിങ്ങളുടെ വാക്കാണ് എന്റെ ഊര്‍ജ്ജം..
സ്‌നേഹപൂര്‍വ്വം നന്ദു മഹാദേവ
ബാങ്ക് വിവരങ്ങള്‍ ചുവടെ കൊടുക്കുന്നു..
Name : Nandu
Bank : SBI
Branch: Kazhakkuttom
Acc no: 38216268736
IFSC : SBIN0070445
Google pay : 9995105410
പരമാവധി ഷെയര്‍ ചെയ്യുമോ ചങ്കുകളേ ??
വിളിക്കുന്ന പ്രിയപ്പെട്ടവര്‍ ക്ഷമിക്കുക..
കീമോ നടക്കുകയാണ്..

from mangalam.com https://ift.tt/3aDa77N
via IFTTT