പെട്ടിമുടി: തോട്ടങ്ങളില് പണിയെടുത്ത് ലയങ്ങളിലേക്ക് മടങ്ങുന്ന തൊഴിലാളികള്... അവിടെ തമാശകളും ചിരിയും വര്ത്തമാനങ്ങളുമായി ഒരു കുടുംബംപോലെ കഴിഞ്ഞിരുന്നവര്... അതായിരുന്നു പെട്ടിമുടിയെന്ന ദേശം. ഒരു വലിയ മഴവെള്ളപ്പാച്ചിലില് ഒരുപാട് ജീവനുകള് ഒറ്റരാത്രിക്കൊണ്ട് മണ്ണിനടിയില്പ്പെട്ടപ്പോള് അത്ഭുതകരമായ ചില രക്ഷപ്പെടലുകള്ക്കും ഈ മണ്ണ് സാക്ഷ്യം വഹിച്ചു.
പെട്ടിമുടിയില് മണ്ണിനടിയിലായ നാലു ലയങ്ങളുടെയും അല്പ്പം മുകള്വശത്തായി താമസിച്ചിരുന്ന ഷണ്മുഖയ്യയുടെയും വിജയകുമാറിന്റെയും കുടുംബങ്ങളാണ് അത്ദുതകരമായ രക്ഷപ്പെടലിലൂടെ ദുരന്തത്തെ അതിജീവിച്ചത്. മലയിടിഞ്ഞു വന്നപ്പോള് ഈ കുടുംബങ്ങളുടെമാത്രം വാസസ്ഥലം ആ മണ്ണില്ത്തന്നെ അവശേഷിച്ചു. അതുവരെ കണ്ടുകൊണ്ടിരുന്ന ആളുകളെയും ജീവിച്ചിരുന്ന ചുറ്റുപാടിനെയും ഇനിയൊരിക്കലും കാണാനാകില്ലെന്ന യാഥാര്ഥ്യത്തെ പ്രാണന് പറിച്ചെടുക്കുന്ന വേദനയോടെയാണ് ഇവര് നോക്കിക്കാണുന്നത്.
രക്ഷപ്പെടലിന്റെ ആശ്വാസത്തിനിടയിലും ഇവരുടെ മനസുനിറയെ മണ്ണിനടിയില്പ്പെട്ട പ്രിയപ്പെട്ടവരുടെ ഓര്മകളാണ്. അവരെപ്പറ്റിയുള്ള ഓരോവാക്കും വിതുമ്പലിന്റെ അകമ്പടിയോടെയാണ് ഈ തൊഴിലാളികളില്നിന്ന് പുറത്തേക്കുവരുന്നത്. കണ്മുന്നില് പ്രിയപ്പെട്ടവരെ നഷ്ടപ്പെട്ടതിന്റെ മുറിവുകള് ആ വാക്കുകളില് കാണാം. ആ വലിയ ദുരന്തത്തില്നിന്ന് തങ്ങള് രക്ഷപ്പെട്ടത് അത്ഭുതകരമെന്ന് അവര് പറയുന്നു.
മലമുകളില്നിന്ന് സുനാമി വരുന്നമ്മേയെന്ന് പറഞ്ഞ് അമ്മയുടെ അരികിലേക്ക് ഓടിയെത്തിയ മിഥുനും ഭീതിയുടെ ആ നിമിഷങ്ങള് പങ്കുവച്ചു. ഒന്നിച്ച് പഠിച്ചിരുന്നവര്, കളികൂട്ടുകാര് ഒരു നിമിഷംകൊണ്ട് എല്ലാവരും മണ്ണടിയാത്ത ഓര്മയായി. അത് പറയുമ്പോള് അവന്റെ കണ്ണുകള് നിറഞ്ഞിരുന്നു.
from mangalam.com https://ift.tt/2Fl0GOT
via IFTTT
Hello, my name is shijas. Im a professional blogger
No comments:
Post a Comment