മരണത്തില് ദുരൂഹതയെന്ന് ബന്ധുക്കള് ആരോപിച്ചതിനെ തുടര്ന്ന് മൂന്ന് മാസം മുമ്പ് മരിച്ചയാളുടെ മൃതദേഹം പുറത്തെടുത്ത് പോസ്റ്റ്മോര്ട്ടം നടത്താനൊരുങ്ങി പോലീസ്. തിരുവനന്തപുരം പൊഴിയൂര് സ്വദേശി ജോണിന്റെ മൃതദേഹമാണ് ഇന്ന് സെമിത്തേരിയില് നിന്നെടുത്ത് പോസ്റ്റ്മോര്ട്ടം നടത്തുന്നത്.
മാര്ച്ച് ആറിന് രാത്രിയാണ് പൊഴിയൂരിലെ പരുത്തിയൂര് സ്വദേശി ജോണ് മരണപ്പട്ടത്. ഹൃദയസ്തംഭനമാണ് മരണകാരണമെന്നായിരുന്നു ഭാര്യയും മക്കളും ആദ്യം ജോണിന്റെ മറ്റ് ബന്ധുക്കളോട് പറഞ്ഞത്. തൊട്ടടുത്ത ദിവസം സംസ്ക്കരിക്കുകയും ചെയ്തു. എന്നാല് മരിച്ച ദിവസം മൃതദേഹത്തിന് അടുത്ത് നില്ക്കാന് പോലും അനുവദിക്കാത്തതില് ദുരൂഹത തോന്നിയെന്ന് ജോണിന്റെ സഹോദരി പറയുന്നു.
പരസ്പരവിരുദ്ധമായ കാര്യങ്ങളാണ് ഭാര്യയും മക്കളും പറഞ്ഞത്. ഇതില് അസ്വാഭാവികത തോന്നിയ അച്ഛനും സഹോദരിയും പൊലീസിനെ സമീപിക്കുകയായിരുന്നു. ''കേസ് പിന്വലിക്കണമെന്ന് പറഞ്ഞ് അവര് ഞങ്ങളെ വല്ലാതെ നിര്ബന്ധിച്ചു. ചേട്ടന്റെ മരണകാരണം ഞങ്ങള്ക്ക് അറിയണം'', എന്ന് ജോണിന്റെ സഹോദരി ലീന്മേരി പറയുന്നു.
എന്നാല്, കടബാധ്യത മൂലം ജോണ് ആത്മഹത്യ ചെയ്യുകയായിരുന്നുവെന്നാണ് ഭാര്യയും മക്കളും പൊലീസിന് നല്കിയ മൊഴി. ആത്മഹത്യയാണെന്ന് പറഞ്ഞാല് മൃതദേഹം പള്ളി സെമിത്തേരിയില് അടക്കാനാകില്ല. അതിനാലാണ് ഹൃദയസ്തംഭനമെന്ന് അന്ന് പറഞ്ഞതെന്ന് ഇവര് പൊലീസിനോട് പറയുന്നു.
ജോണിന്റേത് സ്വാഭാവികമരണമെന്ന് ബന്ധുക്കള് അറിയിച്ചതിനാലാണ് പള്ളിയില് അടക്കിയതെന്ന് വികാരി പൊലീസിനോട് പറഞ്ഞു. സംസ്കരിച്ച് ഒരാഴ്ചക്ക് ശേഷമാണ് പരാതി കിട്ടുന്നതെന്ന് പൊഴിയൂര് പൊലീസ് വ്യക്തമാക്കി.
from mangalam.com https://ift.tt/3hogmzr
via IFTTT
Hello, my name is shijas. Im a professional blogger
No comments:
Post a Comment