കൊറോണ വിവരങ്ങള്‍ വാട്‌സാപ്പിലൂടെ ഷെയര്‍ ചെയ്യുന്നത് നിരോധിച്ചതായുള്ള വാര്‍ത്ത വ്യാജം

ന്യൂഡൽഹി: കൊറോണ വിവരങ്ങൾ വ്യക്തികൾ വാട്സാപ്പുകൾ വഴി പ്രചരിപ്പിക്കുന്നത് നിരോധിച്ചതായുള്ള ഉത്തരവ് കഴിഞ്ഞ ദിവസങ്ങളിൽ വ്യാപകമായി പ്രചരിപ്പിക്കപ്പെട്ടിരുന്നു. എന്നാൽ ഈ വാർത്ത വ്യാജമാണെന്നാണ് പുറത്തുവരുന്ന റിപ്പോർട്ടുകൾ. സർക്കാരിനല്ലാതെ മറ്റാർക്കും കൊറോണയുമായി ബന്ധപ്പെട്ട വിവരങ്ങൾ പ്രചരിപ്പിക്കാനാകില്ലെന്നുംഉത്തരവ് ലംഘിക്കുന്നത് ശിക്ഷാർഹമായ കുറ്റകൃത്യമാണെന്നും ലൈവ്ലോ വെബ്സൈറ്റിന്റെ ലിങ്കിനൊപ്പം പ്രചരിച്ച സന്ദേശത്തിൽ പറയുന്നു. സുപ്രീം കോടതി ഇതുമായി ബന്ധപ്പെട്ട ഉത്തരവ് പുറത്തിറക്കിയതായും വ്യാജ സന്ദേശത്തിൽ പറയുന്നു. A Fake message with the link of a @LiveLawIndia report is still going viral in WhatsApp Groups Pls do not share it. Read this report to know more about it [Fake News Alert] https://t.co/NE3F4jZxO7 pic.twitter.com/dtsXebJN4f — Live Law (@LiveLawIndia) April 6, 2020 ദുരന്ത നിവാരണ നിയമം രാജ്യത്ത് നടപ്പിലാക്കിയെന്നും ഗ്രൂപ്പുകളുടെ അഡ്മിൻമാർ ഈ നിർദ്ദേശം അംഗങ്ങൾക്ക് കൈമാറണമെന്നും വാട്സാപ്പ് ഗ്രൂപ്പുകളെ പോലീസ് നിരീക്ഷിച്ചുവരികയാണെന്നും വ്യാജ സന്ദേശത്തിൽ വ്യക്തമാക്കിയിരുന്നു. എന്നാൽ ലൈവ് ലോ തന്നെ ഈ സന്ദേശം വ്യാജമാണെന്നും ഇത് പ്രചരിപ്പിക്കരുതെന്നും ആവശ്യപ്പെട്ട് രംഗത്തെത്തി. ഇതോടെയാണ് വാർത്ത വ്യാജമാണെന്ന വാർത്ത സ്ഥിരീകരിക്കപ്പെട്ടത്.

from mathrubhumi.latestnews.rssfeed https://ift.tt/3aS9Ayn
via IFTTT