തിരുവനന്തപുരം: ഒറ്റ തിരിഞ്ഞു ശക്തമായ മഴയ്ക്കും ഇടിമിന്നലിനും സാധ്യതയുള്ളതിനാല് പൊതുജനങ്ങള് ജാഗ്രത പാലിക്കണമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്.
കേരളത്തില് ഇപ്പോള് ലഭിക്കുന്ന മഴയോടനുബന്ധിച്ച് ഉച്ചക്ക് 2 മണി മുതല് വൈകിട്ട് 10 മണിവരെയുള്ള സമയത്ത് ശക്തമായ ഇടിമിന്നലിനുള്ള സാധ്യത ഉണ്ട്. ഇത്തരം ഇടിമിന്നല് അപകടകാരികള് ആണ്. അവ മനുഷ്യ ജീവനും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്ക്കും വലിയ നാശനഷ്ടം സൃഷ്ടിക്കാന് സാധ്യതയുള്ളതിനാല് ജാഗ്രത പാലിക്കണമെന്നും മുന്നറിയിപ്പില് പറയുന്നു.
മല്സ്യതൊഴിലാളികളും ജാഗ്രത പാലിക്കണമെന്നും ചില പ്രദേശങ്ങളില് കടലില് പോകരുതെന്നും കാലാവസ്ഥാ കേന്ദ്രം അധികൃതര് മുന്നറിയിപ്പ് നല്കിയിട്ടുണ്ട്. ഇന്നും നാളെയും മണിക്കൂറില് 45 മുതല് 55 കിലോമീറ്റര് വരെ വേഗതയിലും ചില അവസരങ്ങളില് 65 കിലോമീറ്റര് വരെ വേഗതയിലും ശക്തമായ കാറ്റ് വീശാന് സാധ്യതയുള്ള കേരള തീരത്തു മത്സ്യ തൊഴിലാളികള് കടലില് പോകരുതെന്നാണ് നിര്ദ്ദേശം .
കേരള, കര്ണ്ണാടക തീരങ്ങളിലും ലക്ഷദ്വീപ് പ്രദേശങ്ങളിലും കിഴക്ക് അറബിക്കടലിലും ശക്തമായ കാറ്റടിക്കുമെന്നും പ്രസ്തുത പ്രദേശങ്ങളില് കടലില് പോകരുതെന്നുമാണ നിര്ദ്ദേശം.
from mangalam.com https://ift.tt/31tqTAj
via IFTTT
Hello, my name is shijas. Im a professional blogger
No comments:
Post a Comment