ജെറ്റ് എയര്‍വെയിസിന്റെ അഞ്ച് ബോയിങ് വിമാനങ്ങള്‍ എയര്‍ ഇന്ത്യ പാട്ടത്തിനെടുക്കും

ന്യൂഡൽഹി:പ്രവർത്തനം നിർത്തിയ സ്വകാര്യ വിമാനക്കമ്പനിയായ ജെറ്റ് എയർവെയ്സിന്റെ അഞ്ചു വിമാനങ്ങൾ പാട്ടത്തിനെടുക്കാൻ തയ്യാറാണെന്ന് പൊതുമേഖലാ വിമാനക്കമ്പനിയായ എയർ ഇന്ത്യ. പാട്ടത്തിനെടുത്തിരിക്കുന്ന വിമാനങ്ങൾക്കു പുറമെ, ജെറ്റ് എയർവെയ്സിന് 10 ബോയിങ് 777-300 ഇ.ആർ. വിമാനങ്ങളും ഏതാനും എയർബസ് എ 330 വിമാനങ്ങളും സ്വന്തമായുണ്ട്. ഇതിൽ അഞ്ച് ബോയിങ് 777 വിമാനങ്ങൾ പാട്ടത്തിനെടുത്ത് ലണ്ടൻ, ദുബായ്, സിങ്കപ്പുർ എന്നിവിടങ്ങളിലേക്ക് സർവീസ് നടത്താനാണ് എയർ ഇന്ത്യ ലക്ഷ്യമിടുന്നത്. വിമാനങ്ങൾ എടുക്കാനുള്ള സന്നദ്ധത അറിയിച്ചുകൊണ്ട് എയർ ഇന്ത്യ ചെയർമാനും മാനേജിങ് ഡയറക്ടറുമായ അശ്വനി ലൊഹാനി എസ്.ബി.ഐ. ചെയർമാൻ രജ്നീഷ് കുമാറിന് കത്തയച്ചു. കിട്ടാക്കടം ഓഹരിയാക്കി മാറ്റിയതോടെ ജെറ്റ് എയർവെയ്സിന്റെ നിയന്ത്രണം എസ്.ബി.ഐ. ഏറ്റെടുത്തിരിക്കുകയാണ്. ഇതുകൂടാതെ ജെറ്റ് എയർവെയിസിൽ നിന്നും 150 പേരെ ജോലിക്കെടുത്തതായും എയർ ഇന്ത്യ അറിയിച്ചു. 19 അന്താരാഷ്ട്ര റൂട്ടുകളിൽ ഏപ്രിൽ 28 ന് ജെറ്റ് എയർവെയിസിൽ ടിക്കറ്റ് എടുത്തിട്ടുള്ള യാത്രക്കാർക്ക് പ്രത്യേക നിരക്കിൽ യാത്രചെയ്യാമെന്ന വാഗ്ദാനവും എയർ ഇന്ത്യ മുന്നോട്ടുവെച്ചു. ദേശീയ വിമാനക്കമ്പനി എന്ന ഉത്തരവാദിത്തത്തിലാണ് യാത്രക്കാർക്കായി ജെറ്റ് എയർവെയിസ് നടത്തുന്ന സർവീസുകൾ നടത്തുന്നതെന്ന് എയർ ഇന്ത്യ ചെയർമാൻ അശ്വനി ലൊഹാനി പറയുന്നു. Content Highlights:Air India hires from Jet, offers special fares, plans to lease 5 aircraft

from mathrubhumi.latestnews.rssfeed http://bit.ly/2INsuLD
via IFTTT