കൊച്ചി: തന്റെ പത്രിക തള്ളിയത് നല്ലതാണെന്ന് കരുതുന്നുവെന്ന് സരിത എസ്.നായര്. പത്രിക തള്ളിയതിന് പിന്നില് രാഷ്ര്ടീയമായ കളികള് നടന്നുവെന്നുംസരിത പ്രതികരിച്ചു.
പത്രിക തള്ളിയതിനെതിരെ അപ്പീല് നല്കും എന്ന് പറഞ്ഞ സരിത ഇതിനെതിരെ കേരള ഹൈക്കോടതിയില് റിട്ട് ഫയല് ചെയ്യും എന്നും അറിയിച്ചു. എനിക്കെതിരെ നടക്കുന്ന അനീതികളെ തുറന്നു കാണിക്കാന് ഒരു അവസരമാണ് പത്രിക തള്ളിയതിലൂടെ ഒരുക്കിയിരിക്കുന്നതെന്നും എന്ന് സരിത കൂട്ടിച്ചേര്ത്തു.
ഇന്ന് തന്നെ ഹൈക്കോടതിയില് റിട്ട് ഫയല് ചെയ്യും. തനിക്കെതിരെ ശിക്ഷകള് നിലവിലുണ്ട് എന്ന കാരണം പറഞ്ഞാണ് തന്റെ പത്രിക തള്ളിയത്. ശിക്ഷ റദ്ദാക്കിയിട്ടില്ലാത്തതിനാലാണ് നാമനിര്ദ്ദേശ പത്രിക തള്ളുന്നതെന്നാണ് വരണാധികാരി അറിയിച്ചത്. ശിക്ഷ റദ്ധാക്കി കൊണ്ടുള്ള ഉത്തരവ് ഹാജരാക്കാന് ഇന്ന് പത്തര വരെ സമയം അനുവദിച്ചിരുന്നു. ഇത് ഹാജരാക്കാന് കഴിയാത്തതിനാലാണ് പത്രിക തള്ളാന് തീരുമാനിച്ചത് എന്നാണ് പറയുന്നത്. പക്ഷെ ഇതിന് വേണ്ട രേഖകള് എല്ലാം ഹാജരാക്കിയിട്ടും വരണാധികാരി പക്ഷപാതപരമായി പെരുമാറുകയായിരുന്നുവെന്നും സരിത പറയുന്നു.
താന് മത്സരിക്കാന് തിരഞ്ഞെടുത്ത മണ്ഡലങ്ങളിലെ സ്ഥാനാര്ത്ഥികള് രാഷ്ര്ടീയ വമ്പന്മാരാണ് എന്നതാണ് തന്റെ പത്രിക തള്ളാന് കാരണം. പിന്നില് രാഷ്ര്ടീയമായ കളികള് നടന്നിട്ടുണ്ടെന്നും സരിത പറയുന്നു.
വരണാധികാരി ആവശ്യപ്പെട്ട രേഖകള് മൂവാറ്റുപുഴ കോടതിയില് നിന്നും, കേരള ഹൈക്കോടതിയില് നിന്നും ഹാജരാക്കി. എന്നിട്ടും പത്രിക തള്ളിയത് അനീതിയാണ്. പല നേതാക്കന്മാരും മത്സരിക്കാന് ഹാജറാക്കിയ രേഖകള് തന്നെയാണ് താനും സമര്പ്പിച്ചത് എന്ന് സരിത എസ് നായര് പറയുന്നു.
നേരത്തെ സോളാര് തട്ടിപ്പുമായി ബന്ധപ്പെട്ട് രണ്ട് കേസില് സരിതയെ മൂന്നു വര്ഷം തടവിനു ശിക്ഷിച്ചിട്ടുണ്ട്. ഈ വിധി മേല്ക്കോടതി സ്റ്റേ ചെയ്തു കൊണ്ടുള്ള ഉത്തരവ് സരിത നാമനിര്ദേശ പത്രികയ്ക്കൊപ്പം ഹാജരാക്കിയിരുന്നില്ല. മൂന്നുവര്ഷം തടവിന് ശിക്ഷിക്കപ്പെട്ടാല് ജനപ്രാതിനിധ്യ നിയമമനുസരിച്ച് മത്സരിക്കാനാകില്ല. സ്റ്റേ ചെയ്ത കോടതി ഉത്തരവിന്റെ പകര്പ്പ് ഇന്ന് പത്തരയ്ക്ക് മുമ്പ് ഹാജരാക്കണമെന്നായിരുന്നു സരിതയ്ക്ക് വരണാധികാരി നല്കിയ നിര്ദ്ദേശം.
from mangalam.com http://bit.ly/2I8DiV9
via IFTTT
Hello, my name is shijas. Im a professional blogger
No comments:
Post a Comment