ക്രമം തെറ്റിയ ഹൃദയമിടിപ്പ്: ചാമ്പ്യന്‍സ് ലീഗിന് ഖദീരയില്ല

മിലൻ: ക്രമം തെറ്റിയ ഹൃദയമിടിപ്പ് കണ്ടെത്തിയതിനെ തുടർന്ന് മിഡ്ഫീൽഡർ സമി ഖദീരയ്ക്ക് യുവന്റസ്വിശ്രമം അനുവദിച്ചു. ഇതിനെ തുടർന്ന് ബുധനാഴ്ച അത്ലറ്റിക്കോ മാഡ്രിഡിനെതിരേ നടക്കുന്ന യുവേഫ ചാമ്പ്യൻസ് ലീഗ് ഫുട്ബോൾ ആദ്യപാദ പ്രീക്വാർട്ടറിൽ ഖദീരയ്ക്ക് കളിക്കാനാവില്ല. ഹൃദയമിടിപ്പ് ക്രമം തെറ്റി ഉയരുന്ന അട്രിയൽ അരിത്​മിയയ്ക്കാണ് ഖദീര ചികിത്സ തേടുന്നത്. ശ്വാസതടസ്സം, ക്ഷീണം, മന്ദത എന്നിവയാണ് ഇതിന്റെ ലക്ഷണങ്ങൾ. ഇറ്റലിയിലെ ടൂറിനിലാണ് ഖദീര ചികിത്സ തേടുന്നത്. പരിക്കുകളും മറ്റും കാരണം ഈ സീസണിൽ ടീമിനുവേണ്ടി കാര്യമായി കളിക്കാൻ ഖദീരയ്ക്ക് കഴിഞ്ഞിട്ടില്ല. സീസണിൽ ആകെ 15 മത്സരങ്ങളിലാണ് ഖദീര യുവന്റസിന്റെ ജഴ്സിയണിഞ്ഞിറങ്ങിയത്. Content Highlights:Sami Khedira Juventus Irregular Heartbeat Atrial Arrhythmia

from mathrubhumi.latestnews.rssfeed https://ift.tt/2TX7iW7
via IFTTT