ഡാന്‍സ് ബാറുകളിലെ നിയന്ത്രണം ഭാഗികമായി നീക്കി, സിസി ടിവി നിര്‍ബന്ധമല്ല

ന്യൂഡൽഹി:മഹാരാഷ്ട്രയിലെ ഡാൻസ് ബാറുകളുടെ പ്രവർത്തനങ്ങളിൽ സംസ്ഥാന സർക്കാർ ഏർപ്പെടുത്തിയ നിയന്ത്രണങ്ങളിൽ ഭേദഗതി വരുത്തി സുപ്രീംകോടതി ഉത്തരവ്. ഡാൻസ് ബാറുകളിൽ സിസിടിവി നിർബന്ധമാക്കിയ ഉത്തരവ് കോടതി റദ്ദാക്കി. സിസി ടിവി നിർബന്ധമാക്കുന്ന നടപടി സ്വകാര്യതയുടെ മേലുള്ള കടന്നുകയറ്റമാണെന്ന് കോടതി വിലയിരുത്തി. ജസ്റ്റിസ് എ കെ സിക്രി അധ്യക്ഷനായ ബെഞ്ചിന്റേതാണ് ഉത്തരവ്. ബാറിൽ എത്തുന്നവർക്ക് നർത്തകർക്ക് ടിപ്പ് നൽകാനും അനുമതി നൽകി. എന്നാൽ നർത്തകരുടെ ദേഹത്ത് നോട്ടുകൾ വർഷിക്കാൻ പാടില്ല. ആരാധനാലയങ്ങളിൽനിന്നും വിദ്യാഭ്യാസ സ്ഥാപനങ്ങളിൽനിന്നും ഒരു കിലോമീറ്റർ അകലെ മാത്രമേ ഡാൻസ് ബാറുകൾ പ്രവർത്തിപ്പിക്കാവൂ എന്ന നിർബന്ധനയും കോടതി ഒഴിവാക്കിയിട്ടുണ്ട്. കൂടാതെ ബാർ റൂമുകളും ഡാൻസ് ഫ്ളോറും പ്രത്യേകം വേർതിരിക്കണമെന്ന നിബന്ധനയും കോടതി റദ്ദാക്കിയിട്ടുണ്ട്. അതേസമയം ഡാൻസ് ബാറുകളുടെ പ്രവർത്തന സമയം വൈകുന്നേരം ആറുമുതൽ രാത്രി 11.30 വരെ ആയിരിക്കണമെന്ന നിയന്ത്രണത്തിൽ കോടതി ഇളവു വരുത്തിയിട്ടില്ല. content highlights:supreme court strikes down stringent rule in connection with dance bar maharashtra

from mathrubhumi.latestnews.rssfeed http://bit.ly/2FGNG4q
via IFTTT