സോംനാഥ്,അംബജി ക്ഷേത്രങ്ങളുടെ 500 മീറ്റര്‍ പരിധിയില്‍ സസ്യേതര ഭക്ഷണം നിരോധിച്ചു

അഹമ്മദാബാദ്: ഗുജറാത്തിലെ പ്രസിദ്ധമായ ക്ഷേത്രങ്ങളായ സോംനാഥ്,അംബജി എന്നിവയുടെ 500 മീറ്റർ പരിധിയെവെജിറ്റേറിയൻ മേഖലയായി പ്രഖ്യാപിച്ചു. ഗുജറാത്ത് മുഖ്യമന്ത്രി വിജയ് രൂപാണി വെള്ളിയാഴ്ചയാണ് പ്രഖ്യാപനം നടത്തിയത്. ഇതോടെ ഈ ക്ഷേത്രങ്ങളുടെ 500 മീറ്റർ പരിധിക്കുള്ളിൽ ഇനി ഒരു തരത്തിലുള്ള മത്സ്യ,മാംസ വിഭവങ്ങളും വിൽക്കാൻ പാടില്ല. സോംനാഥ് ക്ഷേത്രം ഗിർ-സോംനാഥ് ജില്ലയിലും അംബജി ക്ഷേത്രം ബനസ്കന്ത ജില്ലയിലുമാണ് സ്ഥിതി ചെയ്യുന്നത്. ബനസ്കന്തയിലെ പാലൻപുറിൽ വെച്ചാണ് വിജയ് രൂപാണി പ്രഖ്യാപനം നടത്തിയത്. ദീർഘകാലമായി മത സംഘടനകൾ ഈ ആവശ്യവുമായി രംഗത്തെത്തിയിരുന്നു. രാജ്യത്തിനകത്തും പുറത്തുമുള്ള നിരവധി തീർത്ഥാടകരെത്തുന്ന ക്ഷേത്രങ്ങളാണ് ഇവ രണ്ടും. Content Highlights:500-metre area around Somnath, Ambaji temples declared veg zones

from mathrubhumi.latestnews.rssfeed http://bit.ly/2sPMNid
via IFTTT