നേപ്പാളും ഭൂട്ടാനും സന്ദര്‍ശിക്കാന്‍ ഇനി ആധാറും ഉപയോഗിക്കാം; 15 നും 65 നുമിടെ പ്രായമുള്ളവര്‍ക്ക്

ന്യൂഡൽഹി: നേപ്പാളും ഭൂട്ടാനും സന്ദർശിക്കാനുള്ള യാത്രാരേഖയായി ഇനി ആധാർ കാർഡും ഉപയോഗിക്കാം. പതിനഞ്ചു വയസ്സിൽ താഴെയുള്ളവർക്കും അറുപത്തഞ്ചു വയസ്സിനു മുകളിലുള്ളവർക്കുമാണ് ഇരു രാജ്യങ്ങളിലേക്കുമുള്ള യാത്രാരേഖയായി ആധാർ കാർഡ് ഉപയോഗിക്കാവുന്നതെന്ന് ആഭ്യന്തരമന്ത്രാലം വ്യക്തമാക്കി. അതേസമയം ഈ രണ്ടു പ്രായപരിധിക്കും ഇടയിലുള്ളവർക്ക് ആധാർ യാത്രാരേഖയായി ഉപയോഗിക്കാനാവില്ലെന്നും മന്ത്രാലയം വ്യക്തമാക്കിയിട്ടുള്ളതായി വാർത്താ ഏജൻസിയായ പി ടി ഐ റിപ്പോർട്ട് ചെയ്തു. ഇന്ത്യക്കാർക്ക് സന്ദർശനത്തിന് വിസ ആവശ്യമില്ലാത്ത രാജ്യങ്ങളാണ് ഭൂട്ടാനും നേപ്പാളും. പാസ്പോർട്ടോ തിരഞ്ഞെടുപ്പു കമ്മീഷന്റെ തിരിച്ചറിയൽ കാർഡോ ഗവൺമെന്റ് ഓഫ് ഇന്ത്യയുടെ ഫോട്ടോ പതിപ്പിച്ച തിരിച്ചറിയൽ കാർഡോ ഉണ്ടെങ്കിൽ ഈ രണ്ടുരാജ്യത്തും ഇന്ത്യൻ പൗരന്മാർക്ക് സന്ദർശനം നടത്താൻ സാധിക്കും. പാൻ കാർഡ്, റേഷൻ കാർഡ്, ഡ്രൈവിങ് ലൈസൻസ്, സെൻട്രൽ ഗവൺമെന്റ് ഹെൽത്ത് സർവീസ് കാർഡ് എന്നിവയായിരുന്നു നേപ്പാൾ, ഭൂട്ടാൻ സന്ദർശനത്തിന് പതിനഞ്ചു വയസ്സിനു താഴെയുള്ളവരും അറുപത്തഞ്ചു വയസ്സിനു മുകളിലുള്ളവരും ഇതുവരെ യാത്രാരേഖകളായി കാണിക്കേണ്ടിയിരുന്നത്. ഈ രേഖകളുടെ കൂട്ടത്തിലേക്കാണ് ആധാർ കാർഡിനെയും ആഭ്യന്തരമന്ത്രാലയം ഉൾപ്പെടുത്തിയിരിക്കുന്നത്. content highlights: Indians over 65 under 15 can use Aadhaar card to visit Nepal Bhutan

from mathrubhumi.latestnews.rssfeed http://bit.ly/2FGwahx
via IFTTT