കണ്ണൂരില്‍ ഒരു വീട്ടിലെ 10 പേര്‍ ഐ.എസില്‍ ചേര്‍ന്നു; നാല് പേര്‍ കൊല്ലപ്പെട്ടു

കണ്ണൂർ: സഹോദരിമാരും ഭർത്താക്കൻമാരും അവരുടെ മക്കളും അടക്കം കണ്ണൂരിൽ ഒരു കുടുംബത്തിലെ 10പേർ ഐ.എസിൽ ചേർന്നതായും ഇവരിൽ നാല് പേർ കൊല്ലപ്പെട്ടതായും പോലീസ്. കണ്ണൂർ സിറ്റി പോലീസ് പരിധിയിലെ ഒരു വീട്ടിൽ നിന്നാണ് 10പേർ ഐ.എസിൽ ചേർന്നത്. പോപ്പുലർ ഫ്രണ്ട് നേതാക്കളായ ടി.വി ഷമീർ, അൻവർ, അവരുടെ ഭാര്യമാർ, മക്കൾ എന്നിവർ അടങ്ങിയ 10പേരാണ് ഐ.എസിൽ ചേർന്നത്. ഇതിൽ ടി.വി ഷമീർ, അൻവർ, ഷമീറിന്റെ മക്കളായ സഫ്വാൻ, സൽമാൻ എന്നിവരാണ് കൊല്ലപ്പെട്ടത്. ഭാര്യമാരെക്കുറിച്ച് വിവരമില്ലെന്നും പോലീസ് വ്യക്തമാക്കി. ടി.വി ഷമീറും കുടുംബവുമാണ് ആദ്യം ഐ.എസിൽ എത്തിയത്. തുടർന്ന് അൻവറും കുടുംബവും എത്തിപ്പെടുകയായിരുന്നു. കഴിഞ്ഞ നവംബർ 19-ന് ആയിരുന്നു ബെംഗളൂരു, മൈസൂർ എന്നിവിടങ്ങളിലേക്ക് വിനോദയാത്ര പോകുന്നുവെന്ന് പറഞ്ഞ് അൻവറും ഭാര്യയും മൂന്ന് മക്കളും വീട്ടിൽ നിന്ന് പോയത്. പോകുന്ന സമയത്ത് അൻവറിന്റെ ഭാര്യ ഗർഭിണിയായിരുന്നുവെന്നും പോലീസ് പറയുന്നുണ്ട്. തുടർന്ന് ഇവരെ കാണാതാവുകയായിരുന്നു. വീട്ടുകാർ പോലീസിൽ പരാതി നൽകിയതിന്റെ അടിസ്ഥാനത്തിൽ നടത്തിയ അന്വേഷണത്തിന് ഒടുവിലാണ്ഇറാൻ വഴി സിറിയയിലെത്തിയതായി വീട്ടുകാർക്ക് വിവരം ലഭിച്ചത്. കണ്ണൂർ ജില്ലയിൽ നിന്ന് മാത്രം ഏകദേശം 35 പേർ ഐ.എസിൽ ചേർന്നതായതാണ് വിവരം. ഇതോടെ അന്വേഷണം കൂടുതൽ ശക്തമാക്കാനുള്ള ഒരുക്കത്തിലാണ് പോലീസ്. നേരത്തെ ഇതേ കുടുംബത്തിലെമറ്റൊരു മകളും ഭർത്താവും മൂന്ന് കുട്ടികളും ഐഎസിൽ എത്തിയതായി ഇവർക്ക് അറിയാമായിരുന്നു. തുടർന്നാണ് മറ്റൊരു മകളും ഭർത്താവും അവരുടെ കുട്ടികളും വീണ്ടും ഐ.എസിലെത്തിയത്. Content Highligts:10 family Members Joined ISIS From Kannur

from mathrubhumi.latestnews.rssfeed http://bit.ly/2Sd7B1r
via IFTTT