പമ്പ: സുപ്രീംകോടതി വിധിയുടെ പിന്ബലത്തില് ശബരിമല ദര്ശനത്തിനായി എത്തിയ യുവതികളെ തടഞ്ഞവര്ക്കെതിരെ കേസെടുത്തു. ചന്ദ്രാനന്ദന് റോഡില് പ്രതിഷേധിച്ച കണ്ടാലറിയാവുന്ന 150 പേര്ക്കെതിരെയാണ് കേസെടുത്തിരിക്കുന്നത്. നടപ്പന്തലിന് മുകളില് പ്രതിഷേധിച്ച 50 പേര്ക്കെതിരെയും കേസെടുത്തിട്ടുണ്ട്.
ഇന്നു രാവിലെ ഏഴ് മണിയോടെയാണ് ബിന്ദു, കനകദുര്ഗ എന്നിങ്ങനെ രണ്ട് യുവതികള് ശബരിമല ദര്ശനത്തിനായി എത്തിയത്. പുലര്ച്ചെ മൂന്നര മണിക്ക് ഇവര് നിലയ്ക്കലെത്തി. നാലുമണിയോടെ പമ്പയിലെത്തി അവിടെ കുറച്ച് നേരം വിശ്രമിച്ച ശേഷം ഗാര്ഡ് റൂം വഴി ശബരിമല കയറ്റം ആരംഭിക്കുകയായിരുന്നു. പൊലീസിനെ അറിയിക്കാതെയാണ് ഇവര് പമ്പയിലെത്തിയത്. സുരക്ഷ നല്കണമെന്ന് ആവശ്യപ്പെട്ടിരുന്നുമില്ല. എന്നാല്, യുവതികള് ആയതിനാല് മലകയറുന്നതിന് പൊലീസ് സംരക്ഷണം നല്കുകയായിരുന്നു. പോലീസ് സംഘം പമ്പയില് നിന്നെത്തി പ്രതിഷേധക്കാരെ വകഞ്ഞ് മാറ്റി യുവതികളെ കവചമൊരുക്കി മുന്നോട്ട് കൊണ്ട് പോയി.
പൊലീസ് ഇടപ്പെട്ടെങ്കിലും പ്രതിഷേധക്കാര് പിന്മാറാന് തയാറായില്ല. എന്തുവന്നാലും പിന്മാറില്ലെന്നാണ് ഇവിടെയും യുവതികള് പറഞ്ഞത്. ഇതിനിടെ കനകദുര്ഗയ്ക്ക് ദേഹാസ്വാസ്ഥ്യമുണ്ടാകുന്നതും പൊലീസ് അവരെ സ്ടെക്ച്ചറില് താഴേക്ക് കൊണ്ടു വന്നു. എന്നാല്, ബിന്ദു താഴേക്ക് ഇറങ്ങാന് വിസമ്മതിച്ചു. തുടര്ന്ന് ക്രമസമാധാന പ്രശ്നം ആവര്ത്തിച്ച ശേഷം ബിന്ദുവിനോട് ഇറങ്ങാന് പറയുകയായിരുന്നു. താഴേക്ക് ഇറങ്ങുന്നതിനിടെയും ബിന്ദുവിനെതിരെ പ്രതിഷേധമുണ്ടായപ്പോള് വനം വകുപ്പിന്റെ വാഹനം എത്തിച്ച് ബിന്ദുവിനെ താഴേക്ക് കൊണ്ടു പോവുകയായിരുന്നു.
from mangalam.com http://bit.ly/2SiBw59
via IFTTT
Hello, my name is shijas. Im a professional blogger
No comments:
Post a Comment