ബന്ധു നിയമനം: കുറഞ്ഞ ശമ്പളത്തിന് ജോലി സ്വീകരിച്ചയാളെ അഭിനന്ദിക്കുകയാണ് വേണ്ടത് - ജലീല്‍

കൊണ്ടോട്ടി: 1,10,000 രൂപ ശമ്പളം വാങ്ങുന്ന ഒരാൾ86,000 രൂപയ്ക്ക് ജോലി എടുക്കാൻ വേണ്ടി വരുമ്പോൾ ആ ചെറുപ്പക്കാരനെ അഭിനന്ദിക്കാൻ തയ്യാറാവണമെന്ന് മന്ത്രി കെ.ടി ജലീൽ. വിവാദ ബന്ധു നിയമനം സംബന്ധിച്ച് പ്രതികരിക്കുയായിരുന്നു മന്ത്രി. കൂടിയ ശമ്പളം ലഭിക്കുന്ന ജോലി വേണ്ടെന്ന് വെച്ചാണ് അദീപ് ഈ ജോലി സ്വീകരിച്ചത്.ഇത് ബന്ധു നിയമനമല്ല.ജോലിയില്ലാത്ത ആളെ കൊണ്ടു വന്ന് സ്ഥാനത്തിരുത്തിയതല്ല. താൽക്കാലിക നിയമനം മാത്രമാണിതെന്നും ജലീൽ വ്യക്തമാക്കി. അഭിമുഖത്തിൽ പങ്കെടുത്ത് ലീഗ് അനുഭാവിക്ക് പോലും തന്നെ അവഗണിച്ചു എന്ന പരാതിയില്ല. മൂന്നാം ഏജൻസിയെ കൊണ്ടുള്ള അന്വേഷണം മാധ്യമങ്ങൾക്ക് നടത്താം. മാധ്യമങ്ങളാണിപ്പോൾ കാര്യങ്ങൾ തീരുമാനിക്കുന്നത്. മാധ്യമങ്ങളാണ് യോഗ്യതകൾ പോലും തീരുമാനിക്കുന്നത്.ഈ പദവിയിലേക്ക് സ്ഥിരനിയമനം നടത്താൻ കഴിയില്ല. ഏതെങ്കിലും ആളുകളെ ഈ പദവിയിലേക്ക് നിയമിക്കാനുംകഴിയില്ല. ഈ വിവാദവുമായി ബന്ധപ്പെട്ട സി.പി.എം നിലപാട് കോടിയേരി ബാലകൃഷ്ണൻ ശക്തമായി പ്രഖ്യാപിച്ചിട്ടുണ്ടെന്നും ജലീൽ ചൂണ്ടിക്കാട്ടി.

from mathrubhumi.latestnews.rssfeed https://ift.tt/2QswGRM
via IFTTT