സര്ദാര് പട്ടേല് ഇതു കണ്ടിരുന്നെങ്കില് ഉറപ്പായും പൊട്ടിക്കരഞ്ഞേനെ. സമീപ പ്രദേശത്തെ ഗ്രാമങ്ങള് ഇപ്പോഴും സ്കൂളുകളും ആശുപത്രികളും കുടിവെള്ളവും ഇല്ലാതെ വലയുമ്പോഴാണ് നാടിന് യാതൊരു പ്രയോജനവും സൃഷ്ടിക്കാത്ത പ്രതിമ നിര്മ്മിച്ചിരിക്കുന്നത്. എന്തുകൊണ്ടാണ് ഞങ്ങളുടെ വിഷയങ്ങള് ചൂണ്ടിക്കാണിക്കുമ്പോള് അതിനെ പോലീസിനെ കൊണ്ട് അടിച്ചൊതുക്കുകയും ഞങ്ങളെ കേള്ക്കാതെ മുഖം തിരിക്കുന്നതും?
പ്രധാനമന്ത്രി നരേന്ദ്രമോഡി അനാഛാദനം ചെയ്ത ഏകതാ പ്രതിമയ്ക്ക് വേണ്ടി വ്യാപക കൃഷിനാശം വരുത്തിയെന്ന് ആരോപണം ഉന്നയിക്കുന്ന സര്ദാര് സരോവര് ഡാമിന് സമീപത്തെ കര്ഷകരാണ് ഈ ചോദ്യം ചോദിച്ചിരിക്കുന്നത്. ഞങ്ങളുടെ ജീവനോപാധിയായ കാടും നദിയും വെള്ളച്ചാട്ടവും ഭൂമിയുമെല്ലാം നശിപ്പിക്കപ്പെട്ടെന്നും അതിന്റെ പേരിലുള്ള ആഘോഷങ്ങളില് നിന്നും ഞങ്ങള് വിട്ടു നില്ക്കുമെന്നും കാണിച്ച് നേരത്തേ തന്നെ നരേന്ദ്രമോഡിക്ക് ഗ്രാമീണര് കത്തയച്ചിരുന്നു.
പ്രതിമ ഉദ്ഘാടനം ചെയ്ത ദിവസം സരോവര് ഡാമിന് ചുറ്റുമള്ള 72 ആദിവാസി ഗ്രാമങ്ങളാണ് പട്ടിണി സമരം നടത്തുമെന്ന് പ്രഖ്യാപിച്ചിരുന്നത്. കിഴക്കന് ഗുജറാത്ത് ബെല്റ്റിലെ ഡാംഗ് മുതല് അംബാജി വരെയുള്ള ആദിവാസി ഗ്രാമങ്ങളായിരുന്നു ബന്ദിന് ആഹ്വാനം ചെയ്തിരുന്നത്. പ്രതിമ നിര്മ്മിച്ചതിലൂടെ വ്യാപക കൃഷിനാശം ഉണ്ടായെന്നും അതിന്റെ പേരില് ആഘോഷം സംഘടിപ്പിച്ചെന്നും രക്തബന്ധമുള്ളവര് മരിച്ചാല് ആരെങ്കിലും ആഘോഷിക്കാറുണ്ടോയെന്നും ചോദിച്ച് പ്രതിഷേധക്കാരുടെ തലവന് പ്രധാനമന്ത്രിക്ക് നേരത്തേ കത്തയച്ചിരുന്നു.
ലോകത്തിലെ ഏറ്റവും ഉയരം കൂടിയ പ്രതിമ ഇന്നായിരുന്നു നരേന്ദ്രമോഡി രാഷ്ട്രത്തിന് സമര്പ്പിച്ചത്. 182 മീറ്റര് ഉയരമുള്ള പ്രതിമ സര്ദാര് സരോവര് അണക്കെട്ടിന്നില് നിന്നും അല്പ്പം മാറി സാധു ബേട് തുരുത്തിലാണ് നിര്മ്മിക്കപ്പെട്ടിരിക്കുന്നത്. 2,989 കോടി രൂപ മുടക്കി ഏഴു ലക്ഷം ഗ്രാമങ്ങളില് നിന്നും കാര്ഷികോപകരണങ്ങള് ശേഖരിച്ച് ഉരുക്കിയെടുത്ത് 33 മാസം കൊണ്ടാണ് പ്രതിമ നിര്മ്മിച്ചത്.
from mangalam.com https://ift.tt/2Jr578D
via IFTTT
Hello, my name is shijas. Im a professional blogger
No comments:
Post a Comment