പത്തനംതിട്ട: ശബരിമലയില് യുവതികളെ പ്രവേശിപ്പിച്ചാല് അയ്യപ്പന് ചാര്ത്താനുള്ള തിരുവാഭരണങ്ങള് വിട്ടുനല്കില്ലെന്ന് പറഞ്ഞിട്ടില്ലെന്ന് പന്തളം കൊട്ടാരം. സാമൂഹ്യമാധ്യമങ്ങളില് നടക്കുന്നത് വ്യാജ പ്രചാരണമാണെന്ന് പന്തളം കൊട്ടാരം നിര്വ്വാഹക സംഘത്തിന്റെ ലെറ്റര് പാഡില് ഇറങ്ങിയ അറിയിപ്പില് പറയുന്നു.
ഇത് വസ്തുതാവിരുദ്ധവും തെറ്റിദ്ധാരണ പരത്തുന്നതുമാണ്. അയ്യപ്പനു ചാര്ത്താനുള്ള തിരുവാഭരണം സന്നിധാനത്ത് എത്തിക്കുന്നതും മറ്റുമായി ശബരിമലയുമായി ബന്ധപ്പെട്ട ഒരാചാരവും ലംഘിക്കാന് കൊട്ടാരത്തിനാവില്ല, അങ്ങനെ തീരുമാനിച്ചിട്ടുമില്ല എന്ന് പന്തളം കൊട്ടാരം നിര്വാഹക സംഘം വ്യക്തമാക്കി.
[IMG]
തെറ്റായ പ്രചാരണങ്ങളില് വിശ്വസിക്കരുതെന്ന് കൊട്ടാരം അഭ്യര്ത്ഥിക്കുന്നതോടൊപ്പം ഇത്തരം പ്രചാരണം നടത്തുന്നവര്ക്കെതിരെ നിയമ നടപടി എടുക്കുന്നതാണെന്നുകൂടി അറിയിക്കുന്നു - അറിയിപ്പില് പറയുന്നു.
ശബരിമലയില് പ്രായഭേദമന്യേ സ്ത്രീകള്ക്ക് പ്രവേശിക്കാമെന്ന് സുപ്രീംകോടിതി വിധി വന്നതിന് പിന്നാലെ, യുവതികളെ പ്രവേശിപ്പിച്ചാല് തിരുവാഭരണങ്ങള് വിട്ടുനല്കില്ല എന്ന് പന്തളം കൊട്ടാരം അറിയിച്ചുവെന്ന തരത്തില് സമൂഹ്യമാധ്യമങ്ങളില് പ്രചാരണം നടന്നിരുന്നു.
from mangalam.com https://ift.tt/2NRdlfS
via IFTTT
Hello, my name is shijas. Im a professional blogger
No comments:
Post a Comment