നടന്നത് കുട്ടിക്കടത്ത്, സമരത്തിൽനിന്ന്‌ പിന്മാറില്ല -അനുപമ

തിരുവനന്തപുരം: ദത്തുവിഷയത്തിൽ ശിശുക്ഷേമ സമിതി ജനറൽ സെക്രട്ടറി ഷിജുഖാനെ പുറത്താക്കി ക്രിമിനൽക്കേസെടുക്കണമെന്ന് പരാതിക്കാരി അനുപമ. ഈ ആവശ്യമുന്നയിച്ച് മുഖ്യമന്ത്രിക്ക് കത്തുനൽകും. ശിശുക്ഷേമസമിതിക്ക് ദത്തുനൽകാനുള്ള ലൈസൻസില്ല എന്നാണ് അറിയുന്നത്. ഇതിനാൽ ദത്തെന്നുപറയാൻ സാധിക്കില്ലെന്നും കുട്ടിക്കടത്തെന്നേ പറയാൻ കഴിയൂവെന്നും അനുപമ പറഞ്ഞു. ഗുരുതരതെറ്റുകൾ നടത്തിയിട്ടും ഷിജുഖാനെ സി.പി.എമ്മും സർക്കാരും ബോധപൂർവം സംരക്ഷിക്കുന്നത് എന്തിനെന്ന് മനസ്സിലാകുന്നില്ല. കുറ്റംചെയ്തവരുടെപേരിൽ കേസെടുത്ത് പുറത്താക്കാതെ താൻ ഈ നീതി സമരത്തിൽനിന്ന് പിൻമാറില്ലെന്നും അനുപമ പറഞ്ഞു. കുട്ടിയെ കാണണമെന്നാണ് ആഗ്രഹിച്ചതെങ്കിലും അതിന് അനുമതി കിട്ടാത്തതിൽ സങ്കടമുണ്ട്. നാളെ കുട്ടിയെ കാണാൻ കഴിയുമെന്നാണ് പ്രതീക്ഷയെന്നും അനുപമ പ്രതികരിച്ചു. കുട്ടിയുടെ ഡി.എൻ.എ പരിശോധനയ്ക്ക് ശേഷമായിരിക്കും തുടർനടപടികൾ

from mathrubhumi.latestnews.rssfeed https://ift.tt/3DHo8iq
via IFTTT