ഗര്‍ഭിണിയായ വളര്‍ത്തുനായയെ കെട്ടിയിട്ട് ഉടമ കടന്നു കളഞ്ഞു, പ്രസവിച്ചിട്ട് പാലൂട്ടാനാവാതെ അമ്മപ്പട്ടി

മൂന്നാർ: മൂന്നാറിൽ ഗർഭിണിയായ നായയെ കമ്പികൊണ്ട് തേയിലത്തോട്ടത്തിൽ കെട്ടിയിട്ടിട്ട് ഉടമ കടന്നു കളഞ്ഞു. കമ്പിയിൽ കുരുങ്ങി അഞ്ചു കുഞ്ഞുങ്ങളെ പ്രസവിച്ച നായയ്ക്ക് കുഞ്ഞുങ്ങളെ പാലൂട്ടാനാവാതെ കുടുങ്ങിക്കിടക്കുന്ന കാഴ്ച ദയനീയമാണ്. പഴയ മൂന്നാറിലാണ് സംഭവം. അമ്മയും അഞ്ചു കുഞ്ഞുങ്ങളും ജീവനു വേണ്ടി മനുഷ്യന്റെ സഹായം തേടുകയാണ്. ഗർഭിണിയായ വളർത്തുനായയെ തേയിലത്തോട്ടത്തിൽ ഉപേക്ഷിച്ചവരെ ഇതുവരെ തിരിച്ചറിഞ്ഞിട്ടില്ല. അഴിച്ചു വിട്ടാൽ യജമാനനെ തേടിയെത്തിയേക്കുമെന്ന് ഭയപ്പെട്ടിട്ടാവണം നായയെ കെട്ടിയിട്ടത്. അവിടെക്കിടന്നാണ് നായ അഞ്ചുകുഞ്ഞുങ്ങളെ പ്രസവിച്ചത്. പട്ടിക്കുഞ്ഞുങ്ങളുടെ കരച്ചിൽ കേട്ടെത്തിയ അടുത്തവീട്ടിലെ മനുഷ്യരാണ് ഈ ദയനീയ കാഴ്ച കാണുന്നത്. അപ്പോഴേക്കും അമ്മയും കുഞ്ഞും അവശനിലയിലായിരുന്നു. ഫയർസ്റ്റേഷൻകാരെയും പഞ്ചായത്തിനെയും വിവരമറിയിച്ചിട്ടും ആരും സ്ഥലത്തെത്തി ഉടനെ രക്ഷാപ്രവർത്തനം നടത്തിയില്ല. പരിചയമില്ലാത്തവർ അടുത്തേക്കു വരുമ്പോൾ നായ പ്രതിരോധിക്കുകയാണ് അതിനാൽ അഴിച്ചുവിടാനോ ഭക്ഷണം നൽകാനോ കഴിയുന്നില്ല. content highlights:Animal cruelty in munnar

from mathrubhumi.latestnews.rssfeed https://ift.tt/30o1ycB
via IFTTT