സെൻസെക്‌സിൽ 358 പോയന്റ് നഷ്ടത്തോടെ തുടക്കം: നിഫ്റ്റി 14,471ലെത്തി

മുംബൈ: ഓഹരി സൂചികകളിൽ ആറാം ദിവസവും നഷ്ടം. സെൻസെക്സ് 358 പോയന്റ് താഴ്ന്ന് 48,857ലും നിഫ്റ്റി 86 പോയന്റ് നഷ്ടത്തിൽ 14,471ലുമാണ് വ്യാപാരം ആരംഭിച്ചത്. ബിഎസ്ഇയിലെ 352 കമ്പനികളുടെ ഓഹരികൾ നേട്ടത്തിലും 1050 ഓഹരികൾ നഷ്ടത്തിലുമാണ്. 53 ഓഹരികൾക്ക് മാറ്റമില്ല. കഴിഞ്ഞ അഞ്ച് വ്യാപാരദിനങ്ങളിലായി ബിഎസ്ഇയിൽ ലിസ്റ്റ് ചെയ്ത കമ്പനികളുടെ വിപണിമൂല്യത്തിൽ എട്ടുലക്ഷംകോടി രൂപയുടെ കുറവാണുണ്ടായത്. രാജ്യത്ത് കോവിഡ് ബാധിതരുടെ എണ്ണത്തിൽ വീണ്ടുംകുതിപ്പുണ്ടായതാണ് സൂചികകളെ ബാധിച്ചത്. എച്ച്സിഎൽടെക്, പവർഗ്രിഡ് കോർപ്, ഇൻഫോസിസ്, ഹിന്ദുസ്ഥാൻ യുണിലിവർ, നെസ് ലെ, ടിസിഎസ്, ഐസിഐസിഐ ബാങ്ക്, ആക്സിസ് ബാങ്ക്, എച്ച്ഡിഎഫ്സി ബാങ്ക്, ഇൻഡസിൻഡ് ബാങ്ക്, ബജാജ് ഫിൻസർവ്, ഡോ.റെഡ്ഡീസ് ലാബ്, എസ്ബിഐ തുടങ്ങിയ ഓഹരികളാണ് നഷ്ടത്തിൽ. ഭാരതി എയർടെൽ, കൊട്ടക് മഹീന്ദ്ര ബാങ്ക്, ഐടിസി തുടങ്ങിയ ഓഹരികൾ നേട്ടത്തിലുമാണ്. Sensex opens 358 pts lower, Nifty at 14,471

from mathrubhumi.latestnews.rssfeed https://ift.tt/30TUi8M
via IFTTT