തിരുവനന്തപുരം : പ്രതിപക്ഷ നേതാവ് രമേശ് ചെന്നിത്തലയ്ക്കെതിരായ ബാറുടമ ബിജു രമേശിന്റെ വെളിപ്പെടുത്തലില് അന്വേഷണത്തിനു സര്ക്കാര് നടപടി നീക്കം. അന്വേഷണത്തിനു അനുമതി തേടിക്കൊണ്ടുള്ള ഫയല് ഗവര്ണര്ക്ക് കൈമാറി.
രമേശ് ചെന്നിത്തല, കെ.ബാബു, വി.എസ്.ശിവകുമാര് എന്നിവര്ക്കു പണം കൈമാറിയിട്ടുണ്ടെന്ന ബാറുടമ ബിജു രമേശിന്റെ പുതിയ വെളിപ്പെടുത്തലിന്റെ അടിസ്ഥാനത്തിലാണ് പുതിയ നീക്കം. കഴിഞ്ഞ യുഡിഎഫ് സര്ക്കാരിന്റെ കാലത്ത് പൂട്ടികിടന്ന 418 ബാറുകള് തുറക്കാനുള്ള അനുമതിക്കായി മുന് മന്ത്രി കെ.ബാബുവിന്റെ നിര്ദേശ പ്രകാരം ബാറുടമകളില് നിന്നു പത്തുകോടി പിരിച്ചെടുത്തെന്നും ഒരുകോടി രൂപ ചെന്നിത്തലയ്ക്കും 50 ലക്ഷം കെ.ബാബുവിനും 25 ലക്ഷം വി.എസ്.ശിവകുമാറിനു കൈമാറിയെന്നായിരുന്നു ബിജു രമേശിന്റെ വെളിപ്പെടുത്തല്.
തദ്ദേശ തെരഞ്ഞെടുപ്പ് പ്രഖ്യാപിക്കുകയും കേന്ദ്ര ഏജന്സികളുടെ അന്വേഷണത്തില് സര്ക്കാര് പ്രതിരോധത്തിലാകുകയും ചെയ്തതിനു പിന്നാലെയാണ് പ്രതിപക്ഷ നേതാക്കള്ക്കെതിരെയുള്ള കേസുകള് കടുപ്പിക്കാനുള്ള സര്ക്കാര് തീരുമാനം. എന്നാല് ആരോപണത്തില് നിന്നു പിന്മാറാന് ജോസ് കെ.മാണി പത്തുകോടി വാഗ്ദാനം ചെയ്തുവെന്ന ബിജു രമേശിന്റെ ആരോപണത്തില് അന്വേഷണം ഉണ്ടാകില്ലെന്നാണ് സൂചന.
from mangalam.com https://ift.tt/358Zada
via IFTTT
Hello, my name is shijas. Im a professional blogger
No comments:
Post a Comment