കൊച്ചി: വൈദ്യുതിബോര്ഡില് പി.എസ്.സി. വഴി ലാസ്റ്റ്ഗ്രേഡ് തസ്തികകളിലേക്ക് ഇനി നിയമനമുണ്ടാകില്ല. പകരം, ലാസ്റ്റ്ഗ്രേഡ് നിയമനങ്ങള് മുഴുവന് കുടുംബശ്രീക്കു വിടാന് നീക്കം. ഒഴിവുള്ള ഈ തസ്തികകളില് കുടുംബശ്രീയില്നിന്ന് ആളെയെടുക്കാന് ഡയറക്ടര്ബോര്ഡ് അനുമതി നല്കി.
വൈദ്യുതിബോര്ഡ് ആസ്ഥാനമായ വൈദ്യുതിഭവനില് 78 ഓഫീസ് അറ്റന്ഡന്റ് തസ്തികകളാണുള്ളത്. ഇവിടെയാകും ആദ്യം തീരുമാനം നടപ്പിലാക്കുക. ആദ്യഘട്ടത്തില് ഹ്യുമന് റിസോഴ്സ്, ചീഫ് ഇന്റേണല് ഓഡിറ്റര്, സെക്രട്ടറി (ഭരണവിഭാഗം), സാമ്പത്തികഉപദേശകന് എന്നീ ഓഫീസുകളില് മൂന്നുമാസത്തിനുള്ളില് ഈ രീതിയില് നിയമനം നടത്തണം. സ്ഥിരംജീവനക്കാരെ മറ്റു വിഭാഗങ്ങളിലേക്കു മാറ്റി ഓരോ സെക്ഷനും പൂര്ണമായി കുടുംബശ്രീയെ ഏല്പ്പിക്കും.
വൈദ്യുതിബോര്ഡില് 514 ഓഫീസ് അറ്റന്ഡന്റുമാരുടെ തസ്തികകളാണ് ആകെ ഉണ്ടായിരുന്നത്. ഇപ്പോള് 397 പേരാണ് ബാക്കിയുള്ളത്. ബാക്കി 117 ഒഴിവുകളിലും നിയമനം നടന്നിട്ടില്ല. വര്ഷങ്ങളായി ഈ ഒഴിവുകള് പി.എസ്.സി.ക്ക് റിപ്പോര്ട്ട് ചെയ്യാറുമില്ല.
ക്ലീനേഴ്സ്, ഹെല്പ്പേഴ്സ് എന്നപേരില് കുടുംബശ്രീയുടെ കീഴിലുള്ള കേരളശ്രീ സോഷ്യല് സര്വീസ് സൊസൈറ്റി വഴിയാണ് ദിവസവേതനാടിസ്ഥാനത്തില് നിയമനം നടത്തിയിരുന്നത്. ഇതിന് കുടുംബശ്രീമിഷനുമായി ഒരുവര്ഷത്തെ കരാറും ബോര്ഡ് ഉണ്ടാക്കിയിരുന്നു. ഓരോ വര്ഷവും ഇത് പുതുക്കാറാണ് പതിവ്.
from mangalam.com https://ift.tt/2QhYzNX
via IFTTT
Hello, my name is shijas. Im a professional blogger
No comments:
Post a Comment