ന്യൂഡല്ഹി: രാജ്യത്തെ ഭരണമികവില്ലാത്ത മന്ത്രിമാരെ ഒഴിവാക്കി വിദഗ്ധരെനിയമിക്കാന് നീക്കം. ചില പ്രധാനപ്പെട്ട മന്ത്രാലയങ്ങളില് രാഷ്ട്രീയനേതാക്കളെ ഒഴിവാക്കി വിദഗ്ധരെ നിയമിക്കണമെന്ന പ്രധാനമന്ത്രിയുടെ താത്പര്യം മന്ത്രിസഭാ പുനഃസംഘടനയില് പ്രതിഫലിച്ചേക്കുമെന്നാണ് റിപ്പോര്ട്ടുകള്.
വിദേശകാര്യ വകുപ്പിന്റെ ചുമതല മുന് വിദേശകാര്യ സെക്രട്ടറി എസ്. ജയ്ശങ്കറിനെ ഏല്പിച്ചതിനു സമാനമായി ധനകാര്യം, റെയില്വേ തുടങ്ങിയ മന്ത്രാലയങ്ങളില് അക്കാദമിക് വൈദഗ്ധ്യമുള്ളവരെ നിയമിക്കുന്നതിനെക്കുറിച്ചാണ് ആലോചന.
ഇതോടൊപ്പം, നിലവിലുള്ള മന്ത്രിമാരുടെ പ്രവര്ത്തനവും പ്രകടനവും പുനഃസംഘടനയില് നിര്ണായകഘടകമാകും. ഭരണമികവില്ലാത്ത മന്ത്രിമാരെ ഒഴിവാക്കി പാര്ട്ടി പ്രവര്ത്തനത്തിന് നിയോഗിക്കും. ഇതിനായി മന്ത്രിമാരുടെ പ്രകടനം വിലയിരുത്താനുള്ള നടപടികള് ബി.ജെ.പി.യും പ്രധാനമന്ത്രിയും ആരംഭിച്ചിട്ടുണ്ട്.
സര്ക്കാരിന്റെ പൊതുനയത്തോടുള്ള സമീപനം, പ്രധാന പദ്ധതികളുടെ നിര്വഹണം, വകുപ്പില് പുതുതായി ആവിഷ്കരിച്ച പദ്ധതികള്, പുതിയ സമീപനങ്ങള് തുടങ്ങിയ ഘടകങ്ങള് മന്ത്രിമാരെക്കുറിച്ചുള്ള വിലയിരുത്തലിനുള്ള മാനദണ്ഡങ്ങളായിരിക്കും.
from mangalam.com https://ift.tt/2D6PTXm
via IFTTT
Hello, my name is shijas. Im a professional blogger
No comments:
Post a Comment