ന്യൂഡല്ഹി: ഗാല്വന് താഴ്വരയിലെ സംഘര്ഷമേഖലയില് നിന്ന് ഇന്ത്യയുടെയും ചൈനയുടെയും സൈനികര് പിന്മാറി. സംഘര്ഷത്തില് 20 ഇന്ത്യന് സൈനികര് വീരമൃത്യു വരിച്ചു. അതിര്ത്തിയില് ചൈന ഹെലികോപ്റ്റര് ഉപയോഗിച്ച് രക്ഷാപ്രവര്ത്തനം നടത്തുന്നതായി റിപ്പോര്ട്ടുണ്ട്. പ്രതികൂല കാലാവസ്ഥ മൂലം രക്ഷാപ്രവര്ത്തനം കൃത്യമായി നടത്താന് സാധിക്കാതെ വന്നതാണ് കൂടുതല് ജീവന് നഷ്ടമാകാന് കാരണമെന്നാണു വിലയിരുത്തുന്നത്.
സംഘര്ഷത്തില് ഇരുഭാഗത്തും ആള്നാശം ഉണ്ടായെന്നും വിദേശകാര്യ മന്ത്രാലയം വ്യക്തമാക്കി. ചൈനയുടെ 43 ചൈനീസ് സൈനികര് കൊല്ലപ്പെടുകയോ ഗുരുതരമായി പരുക്കേല്ക്കുകയോ ചെയ്തെന്നാണു വാര്ത്താഏജന്സി എഎന്ഐ റിപ്പോര്ട്ട് ചെയ്തത്. മൂന്നുമണിക്കൂറിലേറെ നീണ്ട സംഘര്ഷത്തില് കമാന്ഡിങ് ഓഫിസര് കേണല് സന്തോഷ് ബാബു, തമിഴ്നാട് സ്വദേശിയായ ഹവില്ദാര് പഴനി, ജാര്ഖണ്ഡ് സ്വദേശിയായ സിപോയ് ഓജ എന്നീ മൂന്ന് ഇന്ത്യന് സൈനികര് വീരമൃത്യു വരിച്ച വിവരമാണ് ആദ്യം പുറത്തുവന്നത്.
ഉന്നതതല ധാരണ ചൈന പാലിച്ചിരുന്നെങ്കില് ഏറ്റുമുട്ടല് ഒഴിവാക്കാമായിരുന്നുവെന്നും ചൈനയുടേത് അതിര്ത്തിയിലെ തല്സ്ഥിതി മാറ്റാനുളള ഏകപക്ഷീയ ശ്രമമാണെന്നും വിദേശകാര്യ മന്ത്രാലയം വ്യക്തമാക്കി.
from mangalam.com https://ift.tt/2YAdnes
via IFTTT
Hello, my name is shijas. Im a professional blogger
No comments:
Post a Comment