അഞ്ചല് (കൊല്ലം): കൊല്ലം അഞ്ചലില് 25കാരിയായ യുവതി പാമ്പ് കടിയേറ്റ് മരിച്ച സംഭവത്തില് ദുരൂഹത തുടരുന്നു. ഏറം വെള്ളശേരില് വീട്ടില് ഉത്ര (25) കുടുംബ വീട്ടിലെ മുറിയില് പാമ്പുകടിയേറ്റു മരിച്ച സംഭവത്തിലാണ് സംശയങ്ങളുയര്ന്നത്. അന്വേഷണം തുടരുകയാണ്. ഭര്ത്താവിന് പാമ്പുപിടുത്തക്കാരുമായുള്ള ബന്ധവും അന്വേഷിക്കുന്നുണ്ട്. ഭര്ത്താവ് അടൂര് പറക്കോട് സ്വദേശി സൂരജ് ചില പാമ്പ് പിടുത്തക്കാരുമായി നിരന്തരം ഫോണില് ബന്ധപ്പെട്ടിരുന്നതായി സൈബര് സെല് കണ്ടെത്തി. പാമ്പ് പിടുത്തക്കാരും സൂരജിന്റെ ചില സഹായികളും നിരീക്ഷണത്തിലാണ്.
ഉറക്കത്തില് വിഷപ്പാമ്പിന്റെ കടിയേറ്റാല് ഉണരുമെന്നാണ് ഈ രംഗത്തു പ്രവര്ത്തിക്കുന്നവര് പറയുന്നത്. എന്നാല് ഉത്ര ഉണര്ന്നില്ല എന്നത് കൂടുതല് സംശയങ്ങള്ക്ക് കാരണമാകുന്നു. പോസ്റ്റ്മോര്ട്ടം റിപ്പോര്ട്ട് കിട്ടിയാലേ കൂടുതല് കാര്യങ്ങള് അറിയാന് കഴിയൂ. ഇക്കാര്യത്തില് ജന്തുശാസ്ത്ര വിദഗ്ധരുടെയും പാമ്പ് പിടുത്തക്കാരുടെയും അറിവ് തേടുന്നുണ്ട്.
മാര്ച്ച് 2നു സൂരജിന്റെ വീട്ടില് വച്ച് ഉത്രയ്ക്കു പാമ്പ് കടിയേറ്റിരുന്നു. അതിന്റെ ചികിത്സ തുടരുന്നതിന് ഇടയ്ക്കാണു കഴിഞ്ഞ 7നു സ്വന്തം വീട്ടില് വീണ്ടും പാമ്പ് കടിയേല്ക്കുന്നത്. രണ്ട് തവണ കടിച്ചപ്പോഴും സൂരജ് സമീപത്ത് ഉണ്ടായിരുന്നു. ഉത്രയുടെ സ്വര്ണാഭരണങ്ങള് സൂക്ഷിച്ചിരുന്ന ബാങ്ക് ലോക്കര് മാര്ച്ച് 2നു രാവിലെ തുറന്നതായും പോലീസ് കണ്ടെത്തിയിട്ടുണ്ട്. മകള്ക്ക് വിവാഹ സമ്മാനമായി നല്കിയ സ്വര്ണാഭരണങ്ങള് നഷ്ടമായതായും രക്ഷിതാക്കള് പോലീസില് നല്കിയ പരാതിയില് പറയുന്നു.
from mangalam.com https://ift.tt/36p3wMa
via IFTTT
Hello, my name is shijas. Im a professional blogger
No comments:
Post a Comment