പ്രതിപക്ഷ നേതാവിന്റെ ആരോപണങ്ങൾ അടിസ്ഥാനരഹിതം; ആർ.എസ് വിമൽ

കോവിഡ് 19 ഭീതിയുടെ മറവിൽ കേരളത്തിലെ ജനങ്ങളുടെ ആരോഗ്യ വിവരങ്ങൾ സർക്കാർ അമേരിക്കൻ കമ്പനിക്കു കൈമാറുന്നുവെന്ന പ്രതിപക്ഷ നേതാവ് രമേശ് ചെന്നിത്തലയുടെ ആരോപണങ്ങൾ അടിസ്ഥാനരഹിതമെന്ന് സംവിധായകൻ ആർ.എസ് വിമൽ. പ്രതിപക്ഷനേതാവിനെ ആരോ തെറ്റിദ്ധരിപ്പിച്ചതാണെന്നും അമേരിക്കൻ കമ്പനി സ്പിംഗ്ലർ ഒരു മലയാളിയുടെ സ്ഥാപനമാണെന്നും ആർ.എസ് വിമൽ പറയുന്നു. കമ്പനിയുടെ ഉടമസ്ഥനായ രാജി തോമസ് ആർ.എസ് വിമൽ സംവിധാനം ചെയ്ത എന്ന് നിന്റെ മൊയ്തീൻ എന്ന ചിത്രത്തിന്റെ നിർമാതാക്കളിലൊരായിരുന്നു. ആർ.എസ്വിമലിന്റെ ഫെയ്സ്ബുക്ക് കുറിപ്പിന്റെ പൂർണരൂപം: കോവിഡ് 19മായി ബന്ധപ്പെട്ട് ബഹുമാനപ്പെട്ട പ്രതിപക്ഷനേതാവ് രമേശ് ചെന്നിത്തല ഇന്ന് നടത്തിയ പത്രസമ്മേളവുമായി ബന്ധപ്പെട്ട ഒരു വിവരത്തിന്റെ പേരിലാണ് എനിക്കീ കുറിപ്പ് ഇടേണ്ടി വരുന്നത്. സംസ്ഥാനത്ത് കോവിഡുമായി ബന്ധപ്പെട്ട ഡേറ്റകൾ അമേരിക്കൻ കമ്പനിയായ Sprinklrന് ചോർത്തി കൊടുത്ത് കച്ചവടം നടത്തുന്നൂ എന്നാണ് ആ വാർത്ത. പ്രതിപക്ഷനേതാവിന്റെ വാക്കുകളിൽ നിന്നും അദ്ദേഹത്തെയാരോ തെറ്റിദ്ധരിപ്പിച്ചിട്ടുണ്ടെന്ന് വേണം കരുതാൻ. ബഹുമാനപ്പെട്ട പ്രതിപക്ഷനേതാവിന്റെ അറിവിലേക്ക്, ലോകമെമ്പാടും പതിനായിരക്കണക്കിന് പേർ ജോലി ചെയ്യുന്ന Sprinklr എന്ന അമേരിക്കൻ സ്ഥാപനത്തിന്റെ സ്ഥാപകനും സി.ഇ.ഒ.യും മലയാളിയായ രാജി തോമസ് ആണ്. ശ്രീ.രാജി തോമസ് എനിക്ക് സുഹൃത്ത് മാത്രമല്ല, സഹോദരതുല്ല്യൻ കൂടിയാണ്. കൈവിട്ടുപോകുമെന്ന് കരുതിയൊരു ജീവിതം എനിക്ക് തിരിച്ചു തന്ന ആളാണ് രാജി. എന്ന് നിന്റെ മൊയ്തീൻ എന്ന സിനിമ പുറത്ത് വരാതിരിക്കാൻ നിർമ്മാതാക്കളിൽ ഒരാൾ തന്നെ തീവ്രശ്രമം നടത്തിയപ്പോൾ രാജി തോമസാണ് എനിക്ക് കൈത്താങ്ങായത്. സത്യത്തിൽ രാജിതോമസ് ഇല്ലായിരുന്നെങ്കിൽ എന്ന് നിന്റെ മൊയ്തീൻ എന്ന സിനിമ ഒരിക്കലും സംഭവിക്കില്ലായിരുന്നൂ. കഠിനാദ്ധ്വാനം കൊണ്ട് അമ്പരപ്പിക്കുന്ന ബിസിനസ് സാമ്രാജ്യം രൂപപ്പെടുത്തിയ ആളാണ് രാജി തോമസ്. ജീവിതത്തോടുള്ള എന്റെ സമീപനം കണ്ടിട്ടാണ് അദ്ദേഹം എന്നേയും ഒപ്പം കൂട്ടിയത്. ഇപ്പോൾ പ്രതിപക്ഷനേതാവ് ആരോപിച്ചിരിക്കുന്ന വിവാദവിഷയവുമായി ബന്ധപ്പെട്ട്, രാജി തോമസുമായി സംസാരിച്ചതിൽ നിന്നും ഞാൻ മനസിലാക്കുന്നത് കേരളത്തെ സഹായിക്കാനായി Sprinklr നടത്തിയൊരു ശ്രമമായിട്ടാണ്. കൊറോണയെന്ന മഹാവിപത്തിന് മുന്നിൽ നൂറ് ശതമാനം ചങ്കുറപ്പോടെ പ്രതിരോധിച്ച് നിന്നവരാണ് മലയാളികൾ. അതിലൊരാളാണ് Sprinklrൻറെ തലവനും മലയാളിയുമായ രാജിതോമസ്. വിവാദങ്ങളുടെ ആഴത്തിലുള്ള വിശദാംശങ്ങളിലേക്ക് ഞാൻ കടക്കുന്നില്ല. ഔദ്യോഗികമായി ഇക്കാര്യങ്ങൾ Sprinklr തന്നെ വ്യക്തമായി രേഖപ്പെടുത്തും. Content Highlights:opposition leader ramesh chennithalas statements Sprinklrare baseless,says RS Vimal film director

from mathrubhumi.latestnews.rssfeed https://ift.tt/2wwm3bS
via IFTTT