രാജകുമാരി: കേരള-തമിഴ്നാട് അതിര്ത്തിയിലെ കുരങ്ങണി വനത്തില് വെടിവച്ച നായാട്ടുകാരനെ കാട്ടുപോത്ത് കുത്തിക്കൊന്നു. ഇടുക്കി തോണ്ടിമല സ്വദേശി മരിയപ്പ(58)നാണ് മരിച്ചത്. വേട്ടയില് പങ്കാളിയായ രാജകുമാരി സ്വദേശികളായ കണ്ണന്കുളങ്ങര സാജു ഗീവര്ഗീസ്(48), കാരപ്പള്ളിയില് കെ.കെ. രാജേഷ് (37) എന്നിവരെ ശാന്തമ്പാറ പോലീസ് പിടികൂടി തമിഴ്നാട് പോലീസിനു െകെമാറി.
രാജകുമാരി നോര്ത്ത് സ്വദേശികളായ സാജുവും രാജേഷും ബോഡിമെട്ട് തോണ്ടിമല സ്വദേശി മരിയപ്പനൊപ്പം വനമേഖലയിലെ പുലിക്കുത്തിന് അടുത്തുവച്ചാണ് പോത്തിനെ വെടിവച്ചത്. ഞായറാഴ്ച പത്തിനാണ് സംഭവം. വെടിയേറ്റുവീണ പോത്തിനടുത്തേക്ക് ഇവര് എത്തിയതും പോത്ത് തിരിച്ച് ആക്രമിക്കുകയായിരുന്നു. പിന്തിരിഞ്ഞോടിയ മരിയപ്പനെ പുറകില്നിന്നു കുത്തിവീഴ്ത്തി. ഓടിരക്ഷപ്പെട്ട സാജുവും രാജേഷും ചേര്ന്നു മാരിയപ്പനെ തമിഴ്നാട് തേനി മെഡിക്കല് കോളജില് എത്തിച്ചെങ്കിലും മരണം സംഭവിച്ചിരുന്നു.
കൃഷിയിടത്തിലെ പണിക്കിടെ വീണു പരുക്കേറ്റെന്നാണ് ഇവര് പോലീസിലും ആശുപത്രിയിലും പറഞ്ഞത്. തുടര്ന്ന് തമിഴ്നാട് പോലീസ് ശാന്തമ്പാറ സ്റ്റേഷനില് വിവരം അറിയിച്ചു. രാജേഷിനേയും സാജുവിനേയും സ്റ്റേഷനില് വിളിച്ചുവരുത്തി ചോദ്യംചെയ്തപ്പോഴാണ് നായാട്ടിനിടെയാണ് മരണമെന്ന് വ്യക്തമായത്. സ്ഥിരമായി വന്യമൃഗവേട്ട നടത്തിയിരുന്ന സംഘം െലെസന്സില്ലാത്ത നാടന് തോക്ക് ഉപയോഗിച്ചാണ് പോത്തിനെ വെടിവച്ചത്. തോക്ക് കാട്ടില് ഒളിപ്പിച്ചിരിക്കുകയാണെന്ന് ഇവര് മൊഴിനല്കി.
കുരങ്ങണി പോലീസും വനം വകുപ്പും കേസെടുത്തു. വനമേഖലയില് അതിക്രമിച്ചു കടക്കല്, വന്യമൃഗങ്ങളെ വേട്ടയാടല്, അനധികൃതമായി ആയുധം െകെയില് സൂക്ഷിച്ചത് തുടങ്ങിയ കുറ്റങ്ങളാണു ചുമത്തിയത്. പോസ്റ്റ്മോര്ട്ടത്തിനുശേഷം മരിയപ്പന്റെ മൃതദേഹം ബന്ധുക്കള്ക്കു െകെമാറി.
from mangalam.com https://ift.tt/3b5mI3r
via IFTTT
Hello, my name is shijas. Im a professional blogger
No comments:
Post a Comment