കൊച്ചി: യുവ ഐഎഎസ് ഉദ്യോഗസ്ഥന് ശ്രീറാം വെങ്കിട്ടരാമന് മദ്യലഹരിയില് ഓടിച്ച കാര് ഇടിച്ച് മരിച്ച മാധ്യമപ്രവര്ത്തകന് കെ എം ബഷീറ് ദിവസങ്ങള്ക്ക് മുമ്പ് ഫേസ്ബുക്കില് കുറിച്ച വാക്കുകള് നൊമ്പരമുണര്ത്തുന്നു. 'പ്രസ്ഗ്യാലറി കണ്ട സഭ' എന്ന പുസ്തകത്തില് തന്റെ രചനയും ഇടം പിടിച്ചതിലും പ്രകാശനചടങ്ങില് കേരള മീഡിയ അക്കാദമി ആദരം നല്കിയതിലും നന്ദി അറിയിച്ചുകൊണ്ടുളളതായിരുന്നു പോസ്റ്റ്. 'നിയമസഭാ റിപ്പോര്ട്ടിംഗിലെ അതികായര്ക്കൊപ്പം ചേര്ന്ന് നില്ക്കാന് കഴിഞ്ഞ ധന്യനിമിഷമാണിത്. 51 മാധ്യമപ്രവര്ത്തകര് എഴുതിയ നിയമസഭാ അവലോകനങ്ങള് 'പ്രസ്ഗ്യാലറി കണ്ട സഭ' എന്ന പേരില് കേരള മീഡിയ അക്കാദമി പുസ്തകമാക്കിയപ്പോള് ഈയുള്ളവന്റെ രചനയും അതിന്റെ ഭാഗമായതിന്റെ നിര്വൃതി.'-അദ്ദേഹം കുറിച്ചു.
ഫേസ്ബുക്ക് കുറിപ്പിന്റെ പൂര്ണരൂപം;
'പ്രസ്ഗ്യാലറി കണ്ട സഭ' നല്കുന്ന ആഹ്ലാദം
നിയമസഭാ റിപ്പോര്ട്ടിംഗിലെ അതികായര്ക്കൊപ്പം ചേര്ന്ന് നില്ക്കാന് കഴിഞ്ഞ ധന്യനിമിഷമാണിത്. 51 മാധ്യമപ്രവര്ത്തകര് എഴുതിയ നിയമസഭാ അവലോകനങ്ങള് 'പ്രസ്ഗ്യാലറി കണ്ട സഭ' എന്ന പേരില് കേരള മീഡിയ അക്കാദമി പുസ്തകമാക്കിയപ്പോള് ഈയുള്ളവന്റെ രചനയും അതിന്റെ ഭാഗമായതിന്റെ നിര്വൃതി. ഇതിന്റെ പേരില് പുസ്തക പ്രകാശന ചടങ്ങില് മീഡിയ അക്കാദമിയുടെ ആദരം കൂടി ആയതോടെ ഇരട്ടിമധുരവും. വളരെ പണിപ്പെട്ട് ഇങ്ങിനെയൊരു സാഹസത്തിന് മുതിര്ന്ന മാധ്യമപ്രവര്ത്തകനും സുഹൃത്തുമായ പി ശ്രീകുമാറിനും മീഡിയ അക്കാദമി ചെയര്മാന് ആര് എസ് ബാബുവിനും നന്ദി.
കേരള രാഷ്ട്രീയത്തിന്റെ ഗതിവിഗതികള് നിയന്ത്രിച്ച മാധ്യമരംഗത്തെ കുലപതികള്. മണ്മറഞ്ഞവരും തൊഴിലിടം വിട്ടവരും ഇന്നും ഈ രംഗത്ത് തുടരുന്നവരുമായ 51 പേരുടെതാണ് രചനകള്. പത്രപ്രവര്ത്തനരംഗത്തേക്ക് വന്ന നാള് മുതല് കണ്ടതും കേട്ടതുമായ ഗുരുസ്ഥാനീയര്. കെ ആര് ചുമ്മാര് സാറിനെയും കെ സി സെബാസ്റ്റ്യന് സാറിനെയും പി സി സുകുമാരന് സാറിനെയും പോലെ വായിച്ചനുഭവിച്ചവര്. അഴീക്കോട് മാഷ് നിയമസഭാ റിപ്പോര്ട്ടിംഗിന് വന്നപ്പോള് പ്രസ്ഗ്യാലറിയില് ഇരിക്കാന് ഭാഗ്യമുണ്ടായിട്ടുണ്ട്.
സി ആര് എന് പിഷാരടി, കെ ജി പരമേശ്വരന് നായര്, എം പി അച്യുതന്, എസ് ആര് ശക്തിധരന്, കെ കുഞ്ഞിക്കണ്ണന്, മലയിന്കീഴ് ഗോപാലകൃഷ്ണന്, സണ്ണിക്കുട്ടി എബ്രഹാം, പി പി ജയിംസ്, ജി ശേഖരന് നായര്, ജോണി ലുക്കോസ്, വയലാര് ഗോപകുമാര്, ജോണ് മുണ്ടക്കയം, ഇ സോമനാഥ്, ആര് എസ് ബാബു, കെ ശ്രീകണ്ഠന്, ബി വി പവനന്, എസ് അനില്, പി എസ് ജയന്, സി ഹരികുമാര്, എസ് എന് ജയപ്രകാശ് തുടങ്ങി പ്രമുഖരുടെ നിര. സന്ദര്ശക ഗ്യാലറിയില് ഇരുന്ന പരിചയം പോലുമില്ലാതെ സഭാ റിപ്പോര്ട്ടിംഗിനെത്തിയപ്പോള് നടപടിക്രമങ്ങള് പഠിപ്പിച്ചവരാണ് പലരും. ഇവര്ക്കെല്ലാമൊപ്പമാണ് എന്റെയും കൂടി രചന ഉള്പ്പെട്ട പുസ്തകം. 'ജി എസ് ടി അഥവാ അര്ധ രാത്രിയിലെ കവര്ച്ച' എന്ന തലക്കെട്ടില് 2017 ആഗസ്റ്റ് ഒന്പതിന് സിറാജില് എഴുതിയ നിയമസഭാ അവലോകനമാണ് എന്റേതായുള്ളത്. സുഹൃത്തുക്കളില് നിന്ന് അരവിന്ദ് എസ് ശശിയും നിസാര്മുഹമ്മദും സി പി ശ്രീഹര്ഷനും എഴുതിയ രചനകളുമുണ്ട്. എഴുത്തിന്റെ വഴിയില് പിന്തുണച്ചവര്ക്കെല്ലാം നന്ദി.
from mangalam.com https://ift.tt/2yHnnpH
via IFTTT
Hello, my name is shijas. Im a professional blogger
No comments:
Post a Comment