ഒരു മകള്ക്ക് അവളുടെ അച്ഛന് എപ്പോഴും ഒരു സൂപ്പര് ഹീറോയാണ്. മാതൃകാ പുരുഷനാണ്. എന്നാല് ജീവിതത്തില് അച്ഛന് തന്നെ ഏറ്റവും വലിയ പേടി സ്വപ്നമായാലോ?. ഇത്തരത്തിലൊരു അനുഭവമാണ് രാജസ്ഥാനില് നിന്നുള്ള കുട്ടിക്ക് പറയാനുള്ളത്. പതിനാറ് വയസുള്ള കുട്ടി കഴിഞ്ഞ പത്ത് വര്ഷമായി അച്ഛനില് നിന്നും നേരിട്ടതും, തന്റെ കണ്ണുകൊണ്ട് കണ്ടതുമായ പീഡനങ്ങള് തുറന്ന് പറഞ്ഞിരിക്കുകയാണ്. ഡയറി കുറിപ്പുകളിലൂടെയാണ് കുട്ടിയുടെ വെളിപ്പെടുത്തല്. പെണ്കുട്ടിയുടെ വെളിപ്പെടുത്തലിനെ തുടര്ന്ന് കുട്ടിയുടെ അച്ചനെ പൊലീസ് അറസ്റ്റ് ചെയ്തിട്ടുണ്ട്.
രാജസ്ഥാനിലെ ഗംഗാനഗര് ജില്ലയിലാണ് പെണ്കുട്ടി താമസിക്കുന്നത്. മുത്തശ്ശിയുടെയും മുത്തച്ഛന്റേയും ഒപ്പം കഴിയുകയായിരുന്നു പെണ്കുട്ടി തന്റെ ആറാം വയസിലാണ് അച്ഛനമ്മമാരുടെ വീട്ടിലേക്ക് വരുന്നത്. ഏറെ ആഹ്ലാദവതിയായിരുന്ന കുട്ടി അച്ഛന്റെ സാമീപ്യം മൂലമാണ് ഉള്വലിഞ്ഞവളായി തീരുന്നത്. വീട്ടിലെത്തി ഏതാനും നാളുകള്ക്കുള്ളില് അച്ഛന് തന്റെ ശരീരത്തിലെ സ്വകാര്യ ഭാഗങ്ങളില് സ്പര്ശിക്കാന് തുടങ്ങിരുന്നു എന്ന് കുട്ടി തന്റെ ഡയറിക്കുറിപ്പില് പറയുന്നു. വെറും ആറ് വയസ് മാത്രമുള്ള കുട്ടിയെ അശ്ളീല വീഡിയോകള് കാണിക്കുകയും ഇയാള് ശീലമാക്കി. ദിവസവും ഇയാള് കുട്ടിയെ ലൈംഗികമായി സമീപിക്കുകയും ചെയ്തു.
ആദ്യത്തെ മൂന്ന് വര്ഷങ്ങളില് അച്ഛനില് നിന്നും പീഡനം ഏറ്റിരുന്നുവെങ്കിലും അത് എന്താണെന്ന് പോലും തിരിച്ചറിയാന് സാധിച്ചില്ലെന്ന് കുട്ടി വ്യക്തമാക്കുന്നു. തന്നെ ഉപദ്രവിക്കുന്നത് എന്തിനാണെന്ന് കുട്ടി ചോദിക്കുമ്പോള് ഇത് ഉപദ്രവമല്ലെന്നും ഇങ്ങനെയാണ് അച്ഛന് മകളെ സ്നേഹിക്കുന്നതെന്നുമാണ് അധ്യാപകന് കൂടിയായ ഇയാള് മറുപടി പറഞ്ഞിരുന്നത്. സ്വന്തം മകളെ മാത്രമല്ല ട്യൂഷനായി എത്തുന്ന മറ്റൊരു കുട്ടിയേയും ഇയാള് ലൈംഗികമായി പീഡിപ്പിച്ചിരുന്നതായി മകള് തന്റെ ഡയറിയിലൂടെ വെളിപ്പെടുത്തി. നിരന്തരം അശ്ളീല വീഡിയോ തന്നെ കാണിക്കുന്ന പിതാവിനെ എതിര്ത്തപ്പോള് അയാള് തന്നെ ക്രൂരമായി മര്ദ്ധിച്ചുവെന്നും രണ്ടു തവണ തന്നെ ബലാല്സംഗം ചെയ്തുവെന്നും പെണ്കുട്ടി വ്യക്തമാക്കുന്നു.
അച്ഛന്റെ ഉപദ്രവം കാരണം താന് ആത്മഹത്യ ചെയ്യാന് ആലോചിക്കുകയാണെന്ന് കുട്ടി തന്റെ ക്ലാസിലെ ഒരു സുഹൃത്തിനോട് പറഞ്ഞതോടെയാണ് സംഭവം പുറത്തറിയുന്നത്. പെണ്കുട്ടിയുടെ സുഹൃത്ത് ഈ വിവരം പ്രിന്സിപ്പാളിനെ അറിയിച്ചു. പ്രിന്സിപ്പള് പോലീസില് വിവരമറിയിച്ചു. തുടര്ന്ന് പോസ്കോ ചുമത്തി ഇയാളെ പോലീസ് അറസ്റ്റ് ചെയ്തു. വീട്ടമ്മയാണ് കുട്ടിയുടെ അമ്മ.
from mangalam.com https://ift.tt/2YQwLly
via IFTTT
Hello, my name is shijas. Im a professional blogger
No comments:
Post a Comment