തിരുവനന്തപുരം:ഔദ്യോഗിക യാത്രകളില് ഭാര്യയുടെ യാത്രച്ചിലവ് സര്ക്കാര് വഹിക്കണമെന്ന ആവശ്യവുമായി പിഎസ്സി ചെയര്മാന്. മറ്റ് സംസ്ഥാനങ്ങളില് ഇത്തരമൊരു കീഴ്വഴക്കം നിലവിലുണ്ടെന്ന് ചൂണ്ടിക്കാട്ടിയാണ് പിഎസ്സി സെക്രട്ടറി സര്ക്കാരിന് കത്തയച്ചത്.
ഔദ്യോഗിക യാത്രകളില് പിഎസ് സി ചെയര്മാനൊപ്പം ഭാര്യയ്ക്ക് കൂടി ക്ഷണം ലഭിക്കാറുണ്ട്. മറ്റ് സംസ്ഥാനങ്ങളില് പിഎസ് സി ചെയര്മാനെ അനുഗമിക്കുന്ന ജീവിത പങ്കാളിയുടെ യാത്ര ചിലവും മറ്റും അതാത് സര്ക്കാരുകളാണ് വഹിക്കുന്നത്. എന്നാല് കേരളത്തില് ഇത് സംബന്ധിച്ച് ഉത്തരവുകളൊന്നും ഇറക്കിയിട്ടില്ല. ഓരോ തവണയും പ്രത്യേക അനുമതിയോടെ ഭാര്യയുടെ യാത്ര ചിലവ് സര്ക്കാര് അനുവദിക്കാറാണ് പതിവ്.
ഔദ്യോഗിക യാത്രകളില് ഭാര്യയുടെ കൂടി യാത്ര ചിലവ് സര്ക്കാര് വഹിക്കുന്നത് സംബന്ധിച്ച് ഉത്തരവ് പുറപ്പെടുവിപ്പിക്കണമെന്ന് കാട്ടിയാണ് പിഎസ് സി സെക്രട്ടറി സാജു ജോര്ജ് ഇക്കഴിഞ്ഞ എട്ടാം തീയതി പൊതു ഭരണ വകുപ്പിന് കത്തയച്ചത്. നിലവില് ഹൈക്കോടതി ജഡ്ജിമാര്, ചീഫ് ജസ്റ്റിസ്, ഗവര്ണര്, മുഖ്യമന്ത്രി എന്നിവരുടെ ജീവിത പങ്കാളിയുടെ യാത്രാചിലവ് വഹിക്കുന്നത് സംബന്ധിച്ച് മാത്രമാണ് സര്ക്കാര് ഉത്തരവുള്ളത്. പിഎസ് സി സെക്രട്ടറി നല്കിയ കത്തിന്മേല് സംസ്ഥാന സര്ക്കാര് ഇതുവരെ തീരുമാനമെടുത്തിട്ടില്ല. നിലവില് ഔദ്യോഗിക വാഹനവും ഡ്രൈവറും പെട്രോള് അലവന്സും ഔദ്യോഗിക വസതിയും ഒന്നര ലക്ഷത്തിലധികം രൂപ ശമ്പളവും ഐഎസ് ജീവനക്കാരുടേതിന് സമാനമായ കേന്ദ്ര നിരക്കിലുള്ള ഡിഎയും ചെയര്മാന് അനുവദിക്കുന്നുണ്ട്.
[IMG]
from mangalam.com http://bit.ly/30cYezM
via IFTTT
Hello, my name is shijas. Im a professional blogger
No comments:
Post a Comment