കാസര്ഗോഡ്: പെരിയ ഇരക്കക്കൊലപാതകവുമായി ബന്ധപ്പെട്ട് അറസ്റ്റ് ചെയ്ത രണ്ട് സി.പി.എം നേതാക്കള്ക്ക് ജാമ്യം. സി.പി.എം ഉദുമ ഏരിയ സെക്രട്ടറി മണികണ്ഠന്, കല്യോട്ട് ബ്രാഞ്ച് സെക്രട്ടറി ബാലകൃഷ്ണന് എന്നിവര്ക്കാണ് ഉപാധികളോടെ ജാമ്യം അനുവദിച്ചത്. ഹോസ്ദുര്ഗ് കോടതിയാണ് ജാമ്യം അനുവദിച്ചത്.
25000 രൂപ കെട്ടിവയ്ക്കണം, രണ്ട് ആള്ജാമ്യം എന്നീ വ്യവസ്ഥകളിലാണ് ജാമ്യം അനുവദിച്ചത്. ഏത് സമയത്തും അന്വേഷണ ഉദ്യോഗസ്ഥരുടെ മുന്നില് ഹാജരാകണമെന്നും കോടതി നിര്ദ്ദേശിച്ചിട്ടുണ്ട്.
ഇരുവരും കൊലപാതകത്തില് നേരിട്ട് പങ്കെടുത്തിട്ടില്ല. എന്നാല് പ്രതികളെ ഒളിവില് പോകാന് സഹായിച്ചുവെന്നും തെളിവ് നശിപ്പിച്ചു എന്നുമാണ് ഇരുവര്ക്കുമെതിരെ ആരോപിക്കപ്പെടുന്ന കുറ്റം. ഇന്ത്യന് ശിക്ഷാ നിയമത്തിലെ 201, 212 വകുപ്പുകളാണ് ഇരുവര്ക്കുമെതിരെ ചുമത്തിയിരിക്കുന്നത്.
ഇക്കഴിഞ്ഞ ഫെബ്രുവരി 17ന് രാത്രിയിലാണ് യൂത്ത് കോണ്ഗ്രസ് പ്രവര്ത്തകരായ ശരത്ലാല്, കൃപേഷ് എന്നിവര് കൊല്ലപ്പെട്ടത്. പെരിയയിലുണ്ടായിരുന്ന പ്രാദേശിക സംഘര്ഷങ്ങളുടെ തുടര്ച്ചയായിരുന്നു കൊലപാതകം.
from mangalam.com http://bit.ly/2E6AAvC
via IFTTT
Hello, my name is shijas. Im a professional blogger
No comments:
Post a Comment