ഇടുക്കി : തൊടുപുഴയില് ഏഴ് വയസ്സുകാരനെ മര്ദ്ദിച്ച കേസിലെ പ്രതി അരുണ് ആനന്ദിനെ പൊലീസ് കസ്റ്റഡിയില് വിട്ടു. മുട്ടം ജൂഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയാണ് പ്രതിയെ മൂന്നു ദിവസത്തെ കസ്റ്റഡി അനുവദിച്ചത്.
കുട്ടികളെ ക്രൂരമായി മര്ദ്ദിച്ചതും ലൈംഗിക പീഡനത്തിനിരയാക്കിയതും യുവതിയുടെ ആദ്യ ഭര്ത്താവ് ബിജുവിന്റെ മരണവുമുള്പ്പെടെയുള്ള കാര്യങ്ങളില് അരുണിനെ ചോദ്യം ചെയ്യുമെന്ന് പൊലീസ് പറഞ്ഞു. അതേസമയം, കോലഞ്ചേരി മെഡിക്കല് കോളേജില് ചികിത്സയില് കഴിയുന്ന ഏഴു വയസുകാരന്റെ നില ഏഴാം ദിവസവും ഗുരുതരമായി തുടരുകയാണ്.
കുട്ടിയുടെ തലച്ചോറിന്റെ പ്രവര്ത്തനം പൂര്ണമായും നിലച്ച നിലയിലാണ്. ഈ അവസ്ഥയില് ഇനി അത്ഭുതങ്ങളൊന്നും പ്രതീക്ഷിക്കേണ്ടെന്നാണ് ഡോക്ടര്മാര് പറയുന്നത്. എന്നാലും മറ്റ് അവയവങ്ങള് പ്രവര്ത്തിക്കുന്നതിനാല് കുട്ടിയെ വെന്റിലേറ്ററില് തുടരാന് അനുവദിക്കാനാണ് തീരുമാനം. കഴിഞ്ഞ ദിവസം അല്പ്പനേരത്തെക്ക് വെന്റിലേറ്റര് മാറ്റി നോക്കിയെങ്കിലും കുട്ടിക്ക് ശ്വാസം എടുക്കാന് സാധിക്കില്ലെന്ന് കണ്ടതോടെ പുനസ്ഥാപിച്ചു. ട്യൂബ് വഴി ദ്രവരൂപത്തിലുള്ള ഭക്ഷണം കൂടുതലായി നല്കാന് ശ്രമിക്കുന്നുണ്ട്.
from mangalam.com https://ift.tt/2CSXiXp
via IFTTT
Hello, my name is shijas. Im a professional blogger
No comments:
Post a Comment