വയനാട്: പുല്വാമയില് ഭീകരാക്രമണത്തില് വീരമൃത്യു വരിച്ച വയനാട് ലക്കിടി സ്വദേശി ഹവില്ദാര് വി വി വസന്തകുമാറിന്റെ ഭൗതിക ശരീരം ജന്മനാട്ടിലെത്തിച്ചു. വീട്ടിലും സ്കൂളിലും പൊതുദര്ശനത്തിന് വച്ച മൃതദേഹത്തില് ആദരാജ്ഞലി അര്പ്പിക്കാന് ആയിരങ്ങളാണ് ലക്കിടിയിലെ വീട്ടില് എത്തിയത്. ലക്കിടിയിലെ സ്വവസതിയിലെത്തിച്ച മൃതദേഹം അരമണിക്കൂറാണ് വെച്ചത്.
വീട്ടിനുള്ളിലേക്ക് കൊണ്ടു പോയ മൃതദേഹം വസന്തകുമാറിന്റെ ബന്ധുക്കളേയും കുടുംബസുഹൃത്തുകള്ക്കും മാത്രമാണ് കാണാന് അവസരം നല്കിയത്. തുടര്ന്ന് മുറ്റത്തേക്ക് കൊണ്ടു വന്ന മൃതദേഹത്തില് നാട്ടുകാര് ആദരാജ്ഞലി അര്പ്പിച്ചു. ശേഷം പത്മകുമാര് പഠിച്ച സ്കൂളിലേക്ക് കൊണ്ടുപോയി. ഇതിനു ശേഷം ഇവിടെ നിന്ന് കൊണ്ടുപോകുന്ന ഭൗതികദേഹം വസന്തകുമാറിന്റെ കുടുംബ ശ്മശാനത്തില് സംസ്കരിക്കും.
ഇന്ന് ഉച്ചയോടെയാണ് വസന്തകുമാറിന്റെ ഭൗതിക ശരീരം കരിപ്പൂരിലെത്തിച്ചത്. ഇവിടെ വച്ച് കേന്ദ്ര, സംസ്ഥാന മന്ത്രിമാര് ആദരാഞ്ജലി അര്പ്പിച്ചു. യാത്രാമധ്യേ തൊണ്ടയാട് വച്ചും രാമനാട്ടുകാര വച്ചും ജനങ്ങള് ആദരാഞ്ജലി അര്പ്പിച്ചു .തൃക്കൈപ്പറ്റ വാഴക്കണ്ടിയിലെ കുടുംബശ്മശാനത്തിലായിരിക്കും സംസ്കാരം. സംസ്ഥാന സര്ക്കാരിനെ പ്രതിനിധീകരിച്ച് മന്ത്രിമാരായ ടി പി രാമകൃഷ്ണനും കടന്നപ്പള്ളി രാമചന്ദ്രനുമാകും ചടങ്ങുകളില് പങ്കെടുക്കുന്നുണ്ട്.
ബറ്റാലിയന് മാറുന്നതുമായി ബന്ധപ്പെട്ട് ലഭിച്ച അഞ്ച് ദിവസത്തെ ലീവിന് വീട്ടിലെത്തിയിരുന്ന വസന്തകുമാര് കഴിഞ്ഞ ഒമ്പതാം തിയതിയാണ് തിരിച്ച് ജമ്മുകാശ്മീരിലേക്ക് എത്തിയത്. കശ്മീരിലെ അവന്തിപ്പുരയിലുണ്ടായ ഭീകരാക്രമണത്തില് 40 സൈനികരാണ് വീരമൃത്യുവരിച്ചത്.
from mangalam.com http://bit.ly/2SU4jjN
via IFTTT
Hello, my name is shijas. Im a professional blogger
No comments:
Post a Comment