ദാവന്ഗരെ: ദളിതനായതിനാല് തനിക്ക് പലതവണ മുഖ്യമന്ത്രി സ്ഥാനം നിഷേധിച്ചുവെന്ന് കര്ണാടക ഉപമുഖ്യമന്ത്രിയും കോണ്ഗ്രസ് നേതാവുമായ ജി. പരമേശ്വര. പൂര്ണമനസോടെയല്ല ഉപമുഖ്യമന്ത്രി സ്ഥാനം ഏറ്റെടുത്തതെന്നും പരമേശ്വര പറഞ്ഞു. ദളിതനായതിനാല് തനിക്ക് മൂന്ന് തവണ മുഖ്യമന്ത്രി സ്ഥാനം നിരസിക്കപ്പെട്ടുവെന്ന് ദാവന്ഗരയില് ഒരു ദളിത് റാലിയില് പങ്കെടുത്തു കൊണ്ട് സംസാരിക്കവെ പരമേശ്വര പറഞ്ഞു.
കോണ്ഗ്രസിലെ ദളിത് നേതാക്കളായ ബി ബസവലിംഗപ്പ, കെ.എച്ച് രംഗനാഥ്, നിലവില് കോണ്ഗ്രസ് ലോക്സഭാ കക്ഷി നേതാവായ മല്ലികാര്ജുന് ഖാര്ഗെ എന്നിവര്ക്കെല്ലാം മുഖ്യമന്ത്രി ആകാമായിരുന്നു. എന്നാല് ദളിതര്ക്കെതിരായ അടിച്ചമര്ത്തലിന്റെ ഭാഗമായി അവര്ക്കൊന്നും മുഖ്യമന്ത്രി സ്ഥാനത്ത് എത്തനായില്ലെന്നും പരമേശ്വര പറഞ്ഞു.
ഭരണഘടനാ അവകാശമുണ്ടെങ്കിലും ഇപ്പോഴും ദളിതര് ക്ഷേത്രത്തില് പ്രവേശിക്കുന്നതിനെ കര്ണാടകയിലെ ചിലയിടങ്ങില് ഇപ്പോഴും എതിര്ക്കുകയാണ്. ഹോട്ടലുകളിലും ബാര്ബര് ഷോപ്പുകളിലും മറ്റ് പൊതു ഇടങ്ങളിലും ദളിതര്ക്ക് വിലക്കാണ്. അതുകൊണ്ടുതന്നെ തന്റെ അതൃപ്തി പരസ്യമാക്കി സമുദായത്തിന്റെ പിന്തുണ തേടാനാണ് ചലവടി മഹാസഭയില് പങ്കെടുക്കുന്നതെന്നും പരമേശ്വര പറഞ്ഞു. ദളിതര് ഭരണഘടനാ ശില്പ്പി അംബേദ്കറെ ദൈവമായി ആരാധിക്കണമെന്നും പരമേശ്വര കൂട്ടിച്ചേര്ത്തു.
from mangalam.com https://ift.tt/2TgT9pI
via IFTTT
Hello, my name is shijas. Im a professional blogger
No comments:
Post a Comment