കോട്ടയം: സാമ്പത്തിക സംവരണ ബില്ലിനെ ലോക്സഭയില് അനുകൂലിച്ച പ്രതിപക്ഷ കക്ഷികളെ പരോക്ഷമായി വിമര്ശിച്ച് കോണ്ഗ്രസ് എം.എല്.എ വി.ടി ബല്റാം. ബ്രാഹ്മണ്യത്തിനെതിരായ യഥാര്ത്ഥ പോരാട്ടമായ സംവരണത്തിന്റെ വിഷയം വരുമ്പോള് ഭരണഘടനാ ലക്ഷ്യങ്ങളെ അട്ടിമറിക്കാന് എല്ലാവരും ഒറ്റക്കെട്ടാണെന്ന് ബല്റാം ഫേസ്ബുക്ക് പോസ്റ്റിലൂടെ വിമര്ശിക്കുന്നു. ബി.ജെ.പി സര്ക്കാര് കൊണ്ടുവന്ന സാമ്പത്തിക സംവരണ ബില്ലിനെ സി.പി.എമ്മും കോണ്ഗ്രസും അടക്കമുള്ളവര് അനുകൂലിച്ചിരുന്നു.
അധസ്ഥിതരുടെ അധികാര പങ്കാളിത്തം എന്ന ജനാധിപത്യ ഉത്തരവാദിത്തത്തിന് പകരം സവര്ണ്ണരുടെ നഷ്ടപ്രതാപത്തെ കുറിച്ചുള്ള പരിദേവനങ്ങളില് എല്ലാവര്ക്കും ഒരേ ശബ്ദമാണെന്നും ബല്റാം പരിഹസിക്കുന്നു. ബില്ലിനെ എതിര്ത്ത് വോട്ട് ചെയ്ത മുസ്ലീം ലീഗ് നേതാവ് ഇ.ടി മുഹമ്മദ് ബഷീറിനെ ബല്റാം പ്രശംസിക്കുന്നുമുണ്ട്.
സാമ്പത്തിക സംവരണത്തെ തുടക്കം മുതല് എതിര്ക്കുന്ന ബല്റാമിന് അത് വഞ്ചനയാണെന്നും ഭരണഘടനയുടെ അട്ടിമറിയാണെന്നുമുള്ള നിലപാടാണുള്ളത്.
പോസ്റ്റിന്റെ പൂര്ണ്ണരൂപം:
ശബരിമലയില് യുവതികളെ കയറ്റുക, തന്ത്രിയെ തെറി വിളിക്കുക, ദലിതനെ പൂജാരിയാക്കുക, സന്ന്യാസി അടിവസ്ത്രമിട്ടിട്ടുണ്ടോ എന്ന് പരിശോധിക്കുക, നാനാ ജാതി മതസ്ഥര് നിരന്ന് നിന്ന് മതില് കെട്ടുക എന്നിങ്ങനെ പ്രതീകാത്മകതകളും തൊലിപ്പുറമേയുള്ള നവോത്ഥാന നാട്യങ്ങളും മാത്രമേ നമുക്ക് പറഞ്ഞിട്ടുള്ളൂ.
ബ്രാഹ്മണ്യത്തിനെതിരായ യഥാര്ത്ഥ പോരാട്ടമായ സംവരണത്തിന്റെ വിഷയം വരുമ്പോള് ഭരണഘടനാ ലക്ഷ്യങ്ങളെ അട്ടിമറിക്കാന് എല്ലാവരും ഒറ്റക്കെട്ട്! അധസ്ഥിതരുടെ അധികാര പങ്കാളിത്തം എന്ന ജനാധിപത്യ ഉത്തരവാദിത്തത്തിന് പകരം സവര്ണ്ണരുടെ നഷ്ടപ്രതാപത്തേക്കുറിച്ചുള്ള പരിദേവനങ്ങളില് എല്ലാവര്ക്കും ഒരേ ശബ്ദം
ശ്രീ ഇ.ടി. മുഹമ്മദ് ബഷീറിന് വോട്ടു ചെയ്യാനും അദ്ദേഹത്തിന്റെ തെരഞ്ഞെടുപ്പ് കമ്മിറ്റി ചെയര്മാനായി പ്രവര്ത്തിക്കാനും കഴിഞ്ഞു എന്നതില് ഏറെ അഭിമാനം തോന്നുന്നു.
from mangalam.com http://bit.ly/2FhYmGq
via IFTTT
Hello, my name is shijas. Im a professional blogger
No comments:
Post a Comment