തൃശൂര്: സംസ്ഥാനത്ത് കോംഗോ പനി ബാധിച്ച് ഒരാള് ചികില്സയില്. വിദേശത്തു നിന്നെത്തിയ മലപ്പുറം സ്വദേശിയാണ് തൃശൂരിലെ സ്വകാര്യ ആശുപത്രിയില് ചികില്സയിലുളളത്.
രോഗം ബാധിച്ച മൃഗങ്ങളിലെ ചെള്ളുകള് വഴിയാണ് രോഗം മനുഷ്യരിലേക്ക് പകരുന്നത്. സംസ്ഥാനത്ത് ഇതാദ്യമായാണ് കോംഗോ പനി റിപ്പോര്ട്ട് ചെയ്യുന്നത്.
കഴിഞ്ഞ 27-ാം തിയതി യുഎഇയില് നിന്നെത്തിയ മലപ്പുറം സ്വദേശിയാണ് ചികില്സയിലുളളത്. വിദേശത്തായിരിക്കെ രോഗത്തിന് ചികില്സയിലായിരുന്ന ഇയാള് നാട്ടിലെത്തിയപ്പോള് രോഗലക്ഷണങ്ങള് പ്രകടിപ്പിച്ചതിനെത്തുടര്ന്ന് തൃശൂരിലെ സ്വകാര്യ ആശുപത്രിയില് ചികില്സ തേടുകയായിരുന്നു. ഇയാളുടെ രക്തസാംപിള് പരിശോധനയ്ക്കായി അയച്ചിട്ടുണ്ട്.
മൃഗങ്ങളില് നിന്ന് മൃഗങ്ങളിലേക്കും ഈ മൃഗങ്ങളുടെ ശരീരത്തിലുള്ള ചെള്ളുകള് വഴി മനുഷ്യരിലേക്കും പകരുന്ന രോഗമാണ് കോംഗോ പനി . നെയ്റോ വൈറസുകള് വഴിയാണ് രോഗം ഉണ്ടാകുന്നത് . രോഗം ബാധിച്ച ആളുടെ രക്തം , ശരീരസ്രവങ്ങള് എന്നിവ വഴി മനുഷ്യരില് നിന്ന് മനുഷ്യരിലേക്കും രോഗം പകരാം .
പനി, മസിലുകള്ക്ക് കടുത്ത വേദന, നടുവേദന , തലവേദന , തൊണ്ടവേദന , വയറുവേദന, കണ്ണുകള്ക്കുണ്ടാകുന്ന അസ്വസ്ഥത തുടങ്ങിയവയാണ് പ്രധാന ലക്ഷണങ്ങള്.
from mangalam.com https://ift.tt/2AQu89o
via IFTTT
Hello, my name is shijas. Im a professional blogger
No comments:
Post a Comment