ആഗ്ര: അയല്വാസി നല്കിയ മോഷണ പരാതിയില് മനോവൈകല്യമുള്ള യുവാവിനെ പോലീസ് അമ്മയുടെ മുന്നിലിട്ട് അടിച്ചുകൊന്നു. ഹേമന്ദ് കുമാര് (രാജു-32) ആണ് കസ്റ്റഡി മര്ദ്ദനത്തില് കൊല്ലപ്പെട്ടത്. ആഗ്രയിലെ സികന്ദ്ര സ്റ്റേഷനിലാണ് സംഭവം. സ്റ്റേഷനിലെ ഇന്സ്പെക്ടറെയും രണ്ട് സബ് ഇന്സ്പെക്ടര്മാരെയും രണ്ട് പോലീസുകാരെയും സസ്പെന്റു ചെയ്തിട്ടുണ്ട്. ഇവര്ശക്കതിരെ കേസെടുത്തതായും എസ്.പി അമിത് പതക് അറിയിച്ചു.
ബുധനാഴ്ചയാണ് മനഃസാക്ഷിയെ ഞെട്ടിച്ച സംഭവം. ഏഴു ലക്ഷം രൂപ വിലമതിക്കുന്ന ആഭരണങ്ങള് മോഷ്ടിച്ചുവെന്ന് കാണിച്ച് അയല്വാസി നല്കിയ പരാതിയിലാണ് ഹേമന്ദ് കുമാറിനെ പോലീസ് കസ്റ്റഡിയില് എടുക്കുന്നത്. എന്നാല് തന്റെ മകന് മനോവൈകല്യമുള്ളയാളാണെന്നും മോഷണം നടത്തിയിട്ടില്ലെന്നും ഹേമന്ദിന്റെ അമ്മ റീനു കുമാര് പറഞ്ഞു. സമീപത്തുള്ള ഒരു കെമിക്കല് ഷോപ്പില് ജോലിക്കുപോയാണ് തങ്ങള് ജീവിക്കുന്നതെന്നും അവര് പറഞ്ഞു. സ്റ്റേഷനില് എത്തി പോലീസുകാരുടെ കാലുപിടിച്ച് മകനെ വിട്ടയക്കണമെന്ന് ആവശ്യപ്പെട്ടു.
എന്നാല് അമ്മയുടെ മുന്നിലിട്ട് അവര് മകനെ ലാത്തികൊണ്ട് തല്ലച്ചതച്ചു. അമ്മയെ ആറുമണിയോടെ വീട്ടില് കൊണ്ടുപോയി വിട്ടു. മകനെ ലോക്കപ്പില് പൂട്ടുകയും ചെയ്തു. രാത്രി ഒമ്പതുമണിയോടെ പോലീസുകാര് വിളിച്ച് മകന് മരിച്ചതായി അറിയിക്കുകയായിരുന്നുവെന്നും റീനു കുമാര് പറഞ്ഞു. താനും മകനും വാടകവീട്ടിലാണ് താമസിച്ചിരുന്നത്. രണ്ട് പെണ്മക്കള് വൃന്ദാവനിലും ഡല്ഹിയിലുമാണ് ജീവിക്കുന്നതെന്നും അവര് പറഞ്ഞു.
മരണം വിവാദമായതോടെ വെള്ളിയാഴ്ചയാണ് പോസ്റ്റുമോര്ട്ടം നടപടികള് പൂര്ത്തിയാക്കിയത്. നടപടികള് പൂര്ണമായും വീഡിയോയില് പകര്ത്തിയെന്നും പോലീസ് അറിയിച്ചു. മയോകാര്ഡിയല് ഇന്ഫ്രാക്ഷന് (ഹൃദയാഘാതം) ആണ് മരണകാരണമെന്നും തോളിലും കൈകാലുകളിലും ചെറിയ മുറിവുകള് ഉണ്ടെന്നും പ്രാഥമിക റിപ്പോര്ട്ടില് പറയുന്നു.
പോലീസിന് ഹേമന്ദിനെ കൈമാറുന്നതിനു മുന്പ് അയല്വാസികള് മര്ദ്ദിച്ചിരുന്നുവെന്നും അതിന്റെ പേരില് രണ്ടു പേര്ക്കെതിരെ കേസെടുത്തിട്ടുണ്ടെന്നും പോലീസ് അറിയിച്ചു.
from mangalam.com https://ift.tt/2r1Yam9
via IFTTT
Hello, my name is shijas. Im a professional blogger
No comments:
Post a Comment