ന്യൂഡല്ഹി : താജ് മഹലിനോട് ചേര്ന്ന പള്ളിയില് വെള്ളിയാഴ്ച ഒഴികെയുള്ള ദിവസങ്ങളില് നമസ്കാരം നടത്തുന്നതിന് വിലക്ക്. ആര്ക്കിയോളജിക്കല് സര്വേ ഓഫ് ഇന്ത്യയാണ് ഇത്തരമൊരു വിലക്ക് ഏര്പ്പെടുത്തിയിരിക്കുന്നത്. നമസ്കാരത്തിന് ദേഹശുദ്ധി നടത്തുന്നതിനുള്ള വഴി ഇന്നലെ ആര്ക്കിയോളജി അധികൃതര് അടച്ചതായും ടൈംസ് ഓഫ് ഇന്ത്യ റിപ്പോര്ട്ട് ചെയ്തു.
ജുലൈയില് സുപ്രീം കോടതി പുറപ്പെടുവിച്ച ഉത്തരവ് പരിഗണിച്ചാണ് നടപടിയെന്നാണ് ആര്ക്കിയോളജിക്കല് സര്വേ നല്കുന്ന വിശദീകരണം. ഇതിനെതിരെ പ്രതിഷേധം ഉയര്ന്നിട്ടുണ്ട്. താജ് മഹലിന്റെ സുരക്ഷ പരിഗണിച്ചാണ് നടപടി.
പ്രദേശവാസികള്ക്ക് മാത്രമാണ് നിലവില് 12 മുതല് രണ്ടു മണി വരെ ഇവിടെ ജുമുഅ നമസ്കാരത്തിനായി ടിക്കറ്റ് എടുക്കാതെ പ്രവേശിക്കാന് കഴിയുന്നത്. അതിനിടെയാണ് ആര്ക്കിയോളജി സര്വേയുടെ പുതിയ വിലക്ക്. താജ് മഹല് സന്ദര്ശിക്കാനുള്ള ടിക്കറ്റുമായി വരുന്നവര്ക്ക് ഇതുവരെ, ഈ ദിവസങ്ങളില് പള്ളി കാണാനും നമസ്കാരം നടത്താനും കഴിയുമായിരുന്നു. എന്നാല്, ഇന്നലെ ആര്ക്കിയോളജിക്കല് സര്വേ ഉേദ്യാഗസ്ഥര് നമസ്കാരത്തിനു മുമ്പ് ദേഹശുദ്ധി നടത്തുന്നതിനായി പള്ളിയോട് ചേര്ന്നു നിര്മിച്ച ജലസംഭരണിയിലേക്കുള്ള വഴി അടച്ചു. ഇതിനെ തുടര്ന്ന്, പള്ളിക്കു പുറത്ത് പലരും നമസ്കാരം നിര്വഹിച്ചതായി റിപ്പോര്ട്ടില് പറയുന്നു.
from mangalam.com https://ift.tt/2RA4tZl
via IFTTT
Hello, my name is shijas. Im a professional blogger
No comments:
Post a Comment