തിരുവനന്തപുരം: ശബരിമലയില് സ്ത്രീപ്രവേശനത്തില് സുപ്രീം കോടതി വിധിയുടെ പശ്ചാത്തലത്തില് ഭക്തരായ ജനങ്ങള് പ്രതിഷേധവുമായി തെരുവിലിറങ്ങിയാല് ആരും ചോദിക്കാന് വരരുതെന്ന് രാഹുല് ഈശ്വര്.
ജെല്ലിക്കെട്ട് പ്രതിഷേധം ഉണ്ടായതുപോലെ ഇവിടെയും സംഭവിച്ചുകൂടായ്കയില്ലെന്നായിരുന്നു രാഹുല് ഈശ്വറിന്റെ പ്രതികരണം. ശബരിമല വിധിയില് നീതി ലഭിച്ചില്ല. കോടതിയില് നിന്ന് ബാലന്സ്ഡ് ആയുള്ള വിധി പോലുമല്ല വന്നത്. ഹിന്ദുക്കളുടെ ആചാരങ്ങളിലും അനുഷ്ഠാനങ്ങളിലും ഇടപെട്ട രീതി ശരിയായില്ലെന്നും രാഹുല് ഈശ്വര് പറഞ്ഞു. മാത്രമല്ല ഒക്ടോബര് ആദ്യ ആഴ്ച ചീഫ് ജസ്റ്റിസ് മാറുമെന്നതും പ്രതീക്ഷ തരുന്നതാണ്.
ഒക്ടോബര് 16 വരെ റിവ്യൂ പെറ്റീഷന് കൊടുക്കാന് സമയമുണ്ട്. ഇതിനിടയില് ജനങ്ങളില് നിന്നും പ്രതിഷേധമോ മറ്റ് അക്രമ സംഭവങ്ങളോ ഉണ്ടായാല് അത് ഭക്തരുടെ വികാരമായി മാത്രം കാണേണ്ടി വരും. ആ സമയത്ത് ആരും ചോദിക്കാനായി വരരുത്. ശക്തമായ പ്രതിഷേധം തന്നെ ഇക്കാര്യത്തില് അറിയിക്കുകയാണ്. ഭരണഘടന നമുക്ക് റിവ്യൂ ഓപ്ഷന് തരുന്നുണ്ട്. അത്തരത്തില് ആലോചിച്ച ശേഷം റിവ്യൂ പെറ്റീഷനുമായി മുന്നോട്ടോപോകും.
ഇത്തരമൊരു വിധിയില് റിവ്യൂ പെറ്റീഷനുമായി പോയില്ലെങ്കില് വരും തലമുറ തങ്ങളോട് ചോദിക്കുമെന്നും രാഹുല് ഈശ്വര് വ്യക്തമാക്കി. തങ്ങള് സ്വന്തം വിശ്വാസത്തില് നിന്നും മാറിപ്പോയെന്ന് അവര് പറഞ്ഞാല് അതില് മറുപടി പറയാന് ഉണ്ടാവില്ലെന്നും രാഹുല് ഈശ്വര് പറഞ്ഞു.
from mangalam.com https://ift.tt/2OfQmuo
via IFTTT
Hello, my name is shijas. Im a professional blogger
No comments:
Post a Comment