ന്യൂഡല്ഹി: ഇന്നലെ അന്തരിച്ച മുന് രാഷ്ട്രപതി പ്രണബ് മുഖര്ജിയുടെ സംസ്കാരം ഇന്ന് ഡല്ഹിയില് നടക്കും. ഉച്ചതിരിഞ്ഞ് രണ്ട് മണിക്ക് ലോധി റോഡ് ശ്മശാനത്തിലാണ് ചടങ്ങുകള് നടക്കുക. കോവിഡ് മാനദണ്ഡങ്ങള് പാലിച്ചാകും സംസ്കാര ചടങ്ങുകള്.
അദ്ദേഹത്തിന്റെ നിര്യാണത്തെ തുടര്ന്ന് രാജ്യത്ത് ഒരാഴ്ചത്തെ ദുഃഖാചരണം പ്രഖ്യാപിച്ചിരിക്കുകയാണ്. ഡല്ഹിയിലെ ആര്മി റിസര്ച് ആന്റ് റെഫറല് ആശുപത്രിയില് ചികിത്സയിലായിരുന്ന അദ്ദേഹത്തിന്റെ ആരോഗ്യനില ഇന്നലെ മുതല് കൂടുതല് വഷളാവുകയായിരുന്നു. തലച്ചോറില് രക്തസ്രാവം ഉണ്ടായതിനെ തുടര്ന്ന് അടിയന്തര ശസ്ത്രക്രിയക്ക് വിധേയനായ ശേഷം വെന്റിലേറ്ററിലായിരുന്നു. ഇതിനിടെ അദ്ദേഹത്തിന് കോവിഡും സ്ഥിരീകരിച്ചിരുന്നു.
ദു:ഖാചരണത്തിന്റെ ഭാഗമായി സെപ്റ്റംബര് ആറുവരെ ദേശീയപതാക പകുതി താഴ്ത്തി കെട്ടും. ഔദ്യോഗികമായ ആഘോഷ പരിപാടികളും ഈ ദിനങ്ങളില് ഉണ്ടായിരിക്കില്ല. രാഷ്ട്രപതി രാംനാഥ് കോവിന്ദും, പ്രധാനമന്ത്രി നരേന്ദ്രമോദിയും, കേന്ദ്രപ്രതിരോധമന്ത്രി രാജ്നാഥ് സിംഗും അടക്കമുള്ളവര് പ്രണബ് മുഖര്ജിക്ക് ആദരമര്പ്പിച്ചു.
from mangalam.com https://ift.tt/2DfIDJc
via IFTTT
Hello, my name is shijas. Im a professional blogger
No comments:
Post a Comment