കൊച്ചി: എറണാകുളത്ത് ചികിത്സയില് കഴിയുന്ന വിദ്യാര്ത്ഥിക്ക് നിപ ബാധയെന്ന സംശയം ബലപ്പെട്ടിരിക്കുന്ന സാഹചര്യത്തില് സംസ്ഥാന ആരോഗ്യ വകുപ്പിനെതിരെ ബിജെപി സംസ്ഥാന ജനറല് സെക്രട്ടറി കെ സുരേന്ദ്രന് രംഗത്ത്. കേരളത്തില് വൈറോളജി ലാബ് ഇതുവരെ ആരംഭിക്കാന് കഴിഞ്ഞിട്ടില്ലെന്ന് സുരേന്ദ്രന് ആരോപിക്കുന്നു. വൈറോളജി ലാബ് തുടങ്ങാന് ആവശ്യമായ അനുമതിയും പണവും കേന്ദ്രസര്ക്കാര് നല്കിയിട്ട് അഞ്ചുവര്ഷം കഴിഞ്ഞിട്ടും ഇതുവരെ അതിനുവേണ്ടിയുള്ള ഒരു നടപടിയും ആരോഗ്യവകുപ്പിന് ചെയ്യാന് കഴിഞ്ഞിട്ടില്ലെന്ന് സുരേന്ദ്രന് കുറ്റപ്പെടുത്തി.
നമുക്ക് സ്വന്തമായി ഒരു വൈറോളജി ലാബുണ്ടെങ്കില് രോഗനിര്ണ്ണയത്തിനും ചികിത്സയ്ക്കും അതെത്രമാത്രം പ്രയോജനപ്പെടുമെന്ന് പറയേണ്ടതില്ലല്ലോ. കേരളം നമ്പര് വണ് എന്ന് വെറുതെ പറഞ്ഞതുകൊണ്ടായില്ല വര്ത്തമാനകാലത്തിന്റെ വെല്ലുവിളികള് നേരിടാന് കഠിനാധ്വാനവും വേണം. ഇവിടെയാണ് മോദിയും ടീമും മറ്റുള്ളവരില് നിന്ന് വ്യത്യസ്തമാവുന്നത്.- സുരേന്ദ്രന് ഫേസ്ബുക്കില് കുറിച്ചു.
കെ സുരേന്ദ്രന്റെ ഫേസ്ബുക്ക് പോസ്റ്റിന്റെ പൂര്ണ രൂപം;
കൊച്ചിയിലെ ആശുപത്രിയില് പനി ബാധിച്ച് ചികിത്സയില് കഴിയുന്ന ഒരു രോഗിക്ക് നിപ്പാ വൈറസ് ബാധയാണോ എന്ന് സംശയമുണ്ടെന്ന ആരോഗ്യവകുപ്പിന്റെ വെളിപ്പെടുത്തല് പൊതുജനങ്ങള്ക്കിടയില് വലിയ ഭീതി പരത്തിയിരിക്കുകയാണ്. പൂനയിലെ വൈറോളജി ലാബില് നിന്നുള്ള സ്ഥിരീകരണം കാത്തിരിക്കുകയാണ് ആരോഗ്യവകുപ്പനോടൊപ്പം പൊതുജനങ്ങളും. കേരളത്തില് സമഗ്രമായ ഒരു വൈറോളജി ലാബ് തുടങ്ങാനുള്ള അനുമതിയും അതിനായുള്ള മൂന്നര കോടി രൂപയും കേന്ദ്ര സര്ക്കാരില് നിന്ന് കേരളത്തിന് ലഭിച്ചിട്ട് അഞ്ചു വര്ഷം തികയുന്നു. കോഴിക്കോട് മെഡിക്കല് കോളേജിലാണ് ലാബ് തുടങ്ങാന് തീരുമാനിച്ചത്. എന്നാല് അതിനുള്ള ഒരു നടപടിയും കേരളത്തിലെ ആരോഗ്യവകുപ്പിന് ഇതുവരെ പൂര്ത്തീകരിക്കാനായിട്ടില്ല. യൂട്ടിലിറ്റി സര്ട്ടിഫിക്കറ്റ് നല്കാത്തതിന്റെ പേരില് രണ്ടു വര്ഷം പണം മുടങ്ങുകയും ചെയ്തു. എല്ലാ വര്ഷവും ഈയാവശ്യത്തിന് പണം അനുവദിക്കുന്നതുമാണ്. നമുക്ക് സ്വന്തമായി ഒരു വൈറോളജി ലാബുണ്ടെങ്കില് രോഗനിര്ണ്ണയത്തിനും ചികിത്സയ്ക്കും അതെത്രമാത്രം പ്രയോജനപ്പെടുമെന്ന് പറയേണ്ടതില്ലല്ലോ. കേരളം നമ്പര് വണ് എന്ന് വെറുതെ പറഞ്ഞതുകൊണ്ടായില്ല വര്ത്തമാനകാലത്തിന്റെ വെല്ലുവിളികള് നേരിടാന് കഠിനാധ്വാനവും വേണം. ഇവിടെയാണ് മോദിയും ടീമും മറ്റുള്ളവരില് നിന്ന് വ്യത്യസ്തമാവുന്നത്.
from mangalam.com http://bit.ly/2Z98mIO
via IFTTT
Hello, my name is shijas. Im a professional blogger
No comments:
Post a Comment