മുന്‍ സര്‍വീസസ് ഫുട്ബോള്‍ താരം പി.വി രാമചന്ദ്രന്‍ അന്തരിച്ചു

കൂത്തുപറമ്പ്: റിട്ട.എക്സൈസ് സർക്കിൾ ഇൻസ്പെക്ടർ പൂക്കോട് അമൃത വിദ്യാലയത്തിനു സമീപം പുത്തൻവീട്ടിൽ പി.വി.രാമചന്ദ്രൻ (79) അന്തരിച്ചു. ഫുട്ബോൾതാരവും പരിശീലകനുമായിരുന്നു. എക്സൈസ് വകുപ്പിൽ ജോലികിട്ടുന്നതിനു മുൻപ് 15 വർഷത്തോളം എയർ ഫോഴ്സിൽ ജോലി ചെയ്തിരുന്നു. ഈ കാലയളവിൽ എയർഫോഴ്സിന്റെ സർവീസസ് ഫുട്ബോൾ ടീമിന്റെ മുഖ്യ കളിക്കാരനായിരുന്നു. കേരള ജൂനിയർ ടീം, കേരള സന്തോഷ് ട്രോഫി ടീം, സ്പോർട്സ് കൗൺസിൽ എന്നിവയുടെ പരിശീലകനായി പ്രവർത്തിച്ചിരുന്നു. കോഴിക്കോട് ഫാറൂഖ് കോളജിൽ പഠിക്കുമ്പോഴായിരുന്നു എയർഫോഴ്സിൽ പ്രവേശനം ലഭിച്ചത്. 1974-ൽ വിരമിച്ച ശേഷം എക്സൈസ് വകുപ്പിൽ ജോലിയിൽ പ്രവേശിച്ചു. കൂത്തുപറമ്പ് എക്സൈസ് സി.ഐ ആയിട്ടായിരുന്നു വിരമിച്ചത്. കണ്ണൂർ ലക്കിസ്റ്റാർ ക്ലബ്ബിന്റെ മുഖ്യ കളിക്കാരനായിരുന്ന ഇദ്ദേഹം കൂത്തുപറമ്പ് ഹണ്ടേഴ്സ് ക്ലബ്ബിന്റെ രക്ഷാധികാരിയുമായിരുന്നു. പരേതരായ കെ.കുഞ്ഞിരാമൻ നായരുടെയും പുത്തൻവീട്ടിൽ അമ്മുഅമ്മയുടെയും മകനാണ്. ഭാര്യ: കെ.തങ്കമണി. മക്കൾ: വിപിൻ ചന്ദ്രൻ (ദുബായ്), വിനിത ചന്ദ്രൻ. മരുമക്കൾ: കെ.ധർമൻ (ഫെർട്ടിലൈസർ ഡീലർ, കൂത്തുപറമ്പ്), എ.കെ.മഞ്ജുഷ. സഹോദരങ്ങൾ: പരേതരായ പി.വി.രാമകൃഷ്ണൻ (റിട്ട. ഇൻകം ടാക്സ് ), പി.വി.രാധ, പി.വി.സീത. Content Highlights:Former footballer PV Ramachandran

from mathrubhumi.latestnews.rssfeed http://bit.ly/2Wsg0QE
via IFTTT