തിരുവനന്തപുരം: ഇന്നും നാളെയും സംസ്ഥാനത്ത് ഉഷ്ണ തരംഗത്തിന് സാധ്യതയെന്ന് തിരുവനന്തപുരം കലാവസ്ഥാ കേന്ദ്രത്തിന്റെ മുന്നറിയിപ്പ്. കോഴിക്കോട് ജില്ലയില് സ്ഥിതി കൂടുതല് രൂക്ഷമാകുമെന്നും ജനങ്ങള് ജാഗ്രതപാലിക്കണമെന്നും മുന്നറിയിപ്പുണ്ട്. തൃശ്ശൂര് മുതല് കണ്ണൂര് വരെയുള്ള ജനങ്ങള് ജാഗ്രത പാലിക്കണമെന്നും നിര്ദേശത്തില് പറയുന്നു.
നേരത്തെ ദുരന്ത നിവാരണ അതോറിറ്റിയും കേരളത്തില് ഉഷ്ണതരംഗത്തിന് സാധ്യതയുണ്ടെന്ന് മുന്നറിയിപ്പ് നല്കിയിരുന്നു. കോഴിക്കോടാണ് ഇപ്പോള് താപനിലയില് ഏറ്റവും മുന്നിലുള്ളത്.
രാവിലെ 11 മുതല് വൈകീട്ട് 3 വരെ എങ്കിലും നേരിട്ട് സൂര്യപ്രകാശം എല്ക്കുന്നതിന് ഒഴിവാക്കണം, നിര്ജലീകരണം തടയാന് കുടിവെള്ളം എപ്പോഴും കയ്യില് കരുതുക,
പരമാവധി ശുദ്ധജലം കുടിക്കുക, അയഞ്ഞ, ലൈറ്റ് കളര് പരുത്തി വസ്ത്രങ്ങള് ധരിക്കുക എന്നിവയാണ് സൂര്യാഘാതം ഒഴിവാക്കാനുള്ള വഴികള്.
പരീക്ഷാകാലമായതിനാല് അധ്യാപകരും രക്ഷിതാക്കളും പ്രത്യേക ശ്രദ്ധ പുലര്ത്തണം. താപനില ക്രമാതീതമായി ഉയരുന്നതിനാല് തൊഴിലാളികള്ക്ക് സൂര്യാഘാതം ഏല്ക്കാനുള്ള സാധ്യത മുന്നിര്ത്തി സൂര്യപ്രകാശം നേരിട്ട് എല്ക്കേണ്ടി വരുന്നു തൊഴില് സമയം പുനഃക്രമീകരിച്ച് ലേബര് കമ്മീഷണര് ഉത്തരവിട്ടിട്ടുണ്ട്.
from mangalam.com https://ift.tt/2SCL5v7
via IFTTT
Hello, my name is shijas. Im a professional blogger
No comments:
Post a Comment