വയനാട് വൈത്തിരിയില് ഉണ്ടായ മാവോയിസ്റ്റ് പോലീസ് വെടിവെയ്പില് സിപി ജലീല് എന്ന മാവോയിസ്റ്റ് നേതാവ് കൊല്ലപ്പെട്ടിരുന്നു. തലയുടെ പിന്നിലും തോളിലും വെടിയേറ്റാണ് ജലീല് മരിച്ചത്. അതേസമയം സംഭവത്തില് ദുരൂഹതയുണ്ടെന്ന് കാട്ടി ജലീലിന്റെ കുടുംബം രംഗത്തെത്തിയിരുന്നു. ഇപ്പോള് ജലീലിന്റെ മരണത്തില് പ്രതികരണവുമായി രംഗത്തെത്തിയിരിക്കുന്നത് രാഷ്ട്രീയ നിരീക്ഷകനും അഭിഭാഷകനുമായ അഡ്വ. ജയശങ്കറാണ്.
മാവോയിസ്റ്റുകളെ കൊല്ലുന്നത് കോണ്ഗ്രസിനും ബിജെപിക്കും സന്തോഷമുളള കാര്യമാണ്. അതുകൊണ്ട് ഹര്ത്താല് ഉണ്ടാവില്ല. ജസ്റ്റിസ് ആന്റണി ഡൊമിനിക്ക് അധ്യക്ഷനായി പരിലസിക്കുന്ന മനുഷ്യാവകാശ കമ്മീഷനെക്കൊണ്ടും ഉപദ്രവമില്ല. സാംസ്കാരിക നായകരും മനുഷ്യാവകാശ പ്രവര്ത്തകരും സുഖസുഷുപ്തിയിലാണ്. ഭരണം മാറുന്നതു വരെ അവരാരും ഉണരുന്ന പ്രശ്നമില്ല. - ജയശങ്കര് ഫേസ്ബുക്കില് കുറിച്ചു.
ജയശങ്കറിന്റെ ഫേസ്ബുക്ക് പോസ്റ്റിന്റെ പൂര്ണരൂപം;
വയനാട്ടില് മറ്റൊരു വര്ഗീസ്.
മാവോയിസ്റ്റ് നേതാവ് സിപി ജലീല് പോലീസുമായുളള 'ഏറ്റുമുട്ടലില്' കൊല്ലപ്പെട്ടു. ജലീലിന്റേ ശരീരത്തില് വെടിയേറ്റ മുറിവുകള് നിരവധിയാണ്; പോലീസ് ഏമാനന്മാര്ക്കാര്ക്കും പോറല് പോലുമേറ്റില്ല.
ഇടതുപക്ഷ പുരോഗമന മനുഷ്യോന്മുഖ സര്ക്കാര് അധികാരത്തില് വന്നശേഷം 'ഏറ്റുമുട്ടലില്' കൊല്ലപ്പെട്ട മൂന്നാമത്തെ മാവോയിസ്റ്റാണ് ജലീല്. മുമ്പ് കരുളായി വനത്തില് പോലീസിനോട് 'ഏറ്റുമുട്ടി' കുപ്പു ദേവരാജും അജിതയും വീരമൃത്യു വരിച്ചിരുന്നു.
മാവോയിസ്റ്റുകളെ കൊല്ലുന്നത് കോണ്ഗ്രസിനും ബിജെപിക്കും സന്തോഷമുളള കാര്യമാണ്. അതുകൊണ്ട് ഹര്ത്താല് ഉണ്ടാവില്ല. ജസ്റ്റിസ് ആന്റണി ഡൊമിനിക്ക് അധ്യക്ഷനായി പരിലസിക്കുന്ന മനുഷ്യാവകാശ കമ്മീഷനെക്കൊണ്ടും ഉപദ്രവമില്ല. സാംസ്കാരിക നായകരും മനുഷ്യാവകാശ പ്രവര്ത്തകരും സുഖസുഷുപ്തിയിലാണ്. ഭരണം മാറുന്നതു വരെ അവരാരും ഉണരുന്ന പ്രശ്നമില്ല.
ജലീലിനെ 'ഏറ്റുമുട്ടലില്' വധിച്ച തണ്ടര്ബോള്ട്ട് സഖാക്കള്ക്ക് അടുത്ത റിപ്പബ്ലിക് ദിനത്തില് വിശിഷ്ട സേവനത്തിനുളള പോലീസ് മെഡല് ലഭിക്കും, തീര്ച്ച.
from mangalam.com https://ift.tt/2TzdXc9
via IFTTT
Hello, my name is shijas. Im a professional blogger
No comments:
Post a Comment