കാസര്ഗോഡ്: പതിനെട്ടാം പടിയില് ആചാരലംഘനം നടത്തിയെങ്കില് വത്സന് തില്ലങ്കേരിയെ 41 ദിവസം ശബരിമലയില് ഭജനമിരുത്താന് തയ്യാറാണെന്ന് ബി.ജെ.പി സംസ്ഥാന സെക്രട്ടറി കെ സുരേന്ദ്രന്. ആര്.എസ്.എസ്.നേതാവ് വത്സന് തില്ലങ്കേരി ഇരുമുടിക്കെട്ടില്ലാതെ പതിനെട്ടാംപടി ചവിട്ടിയെന്നു വ്യക്തമാകുകയാണെങ്കില് തന്ത്രി കല്പ്പിക്കുന്ന പ്രായശ്ചിത്തം ചെയ്താല് തീരാവുന്ന പ്രശ്നമെയുള്ളുവെന്നും ബി.ജെ.പി സംഘടിപ്പിക്കുന്ന രഥയാത്ര ഉത്ഘാടനം ചെയ്തു സംസാരിക്കുന്നതിനിടയില് കെ സുരേന്ദ്രന് പറഞ്ഞു.
ചിത്തിര ആട്ടവിശേഷത്തിനായി തീര്ത്ഥാടകര് ശബരിമലയിലെത്തിയപ്പോള് അവിടുത്തെ അടിസ്ഥാന സൗകര്യങ്ങളെല്ലാം സര്ക്കാര് തടഞ്ഞു. ഭക്തരെ പ്രകോപിപ്പിക്കാനാണ് സര്ക്കാര് ഇത് ചെയ്തത്. നടപ്പന്തലില് വിരി വയ്ക്കാന് പോലും അനുവദിച്ചില്ല. എന്നാല് പിണറായി വിജയന് മനസില് കാണുന്നത് മാനത്ത് കാണുന്നവരാണ് സംഘപരിവാറുകാര്. പിണറായി ശബരിമലയില് നടപ്പിലാക്കിയ 144 'ത്രീജി'യായിപ്പോയി. 52 കാരിയായ സ്ത്രീയെ തടയാന് പ്രകോപനം ഉണ്ടാക്കിയത് തൃശൂര് സ്വദേശിയായ ഡി.വൈ.എഫ്.ഐക്കാരനാണെന്നും അദ്ദേഹം ആരോപിച്ചു. കേസില് പിടിയിലായ വികലാംഗനായ സൂരജ് നിരപരാധിയാണ്. ഇയാള് അക്രമം നടത്തിയ ദൃശ്യങ്ങള് പുറത്തുവിടാന് ഇരട്ടച്ചങ്കനെ താന് വെല്ലുവിളിക്കുകയാണെന്നും സുരേന്ദ്രന് കൂട്ടിച്ചേര്ത്തു.
ഏതെങ്കിലും ഭക്തന് ആചാര ലംഘനം നടത്തിയാല് അതിന് പ്രായശ്ചിത്തം ചെയ്താല് പരിഹാരമാകും. അതേസമയം, ഈശ്വരനാമത്തില് പ്രതിജ്ഞ ചെയ്ത ദേവസ്വം ബോര്ഡ് അംഗം ശങ്കര്ദാസ് ചെയ്തത് പൊറുക്കാനാവാത്ത തെറ്റാണ്. തങ്ങള് കോടതിയെ സമീപിച്ചാല് ശങ്കര്ദാസ് കുടുങ്ങും. ശങ്കര്ദാസിനെക്കൊണ്ട് മൂക്ക്കൊണ്ട് 'ക്ഷ' വരപ്പിക്കാന് തങ്ങള്ക്ക് കഴിയും. ആര്.എസ്.എസിനെ ഒരു വിഭാഗത്ത് നിറുത്തി മതന്യൂനപക്ഷങ്ങളെ ഏകീകരിക്കാനുള്ള ശ്രമമാണ് പിണറായി നടത്തുന്നത്. ശബരിമല വിഷയത്തില് കളിച്ചാല് പിണറായി സര്ക്കാര് കാലാവധി പൂര്ത്തിയാക്കില്ലെന്നും സുരേന്ദ്രന് മുന്നറിയിപ്പ് നല്കി.
from mangalam.com https://ift.tt/2RInn0a
via IFTTT
Hello, my name is shijas. Im a professional blogger
No comments:
Post a Comment